დღის მთავარი ფოტოები

გუგენჰაიმის მუზეუმი ნიუ-იორკში

ცნობილი ამერიკელი არქიტექტორის ფრენკ ლოიდ რაიტის ერთ-ერთ გამორჩეულ ნამუშევრად გუგენჰაიმის მუზეუმი ითვლება, რომელიც ნიუ-იორკს ამშვენებს. რაიტი ბუნებასთან შერწყმული, ე.წ. ორგანული არქიტექტურის ფუძემდებლად მიიჩნევა. მუზეუმის ფოტოები ნიუ-იორკში მცხოვრებმა ქართველმა ემიგრანტმა ლალი ზეიკიძემ მოგვაწოდა.

პრიგოჟინი პეტერბურგში დაკრძალეს

„ვაგნერის“ დამფუძნებელი ევგენი პრიგოჟინი პეტერბურგში, კერძო სასაფლაოზე დაკრძალეს. სასაფლაოსთან უსაფრთხოების მაქსიმალური ზომები იყო მიღებული, კამერებმა პოლიციაც დააფიქსირეს.

როგორ კვეთენ ამერიკის საზღვარს მექსიკიდან

მიგრანტები მექსიკის საზღვართან მდებარე მდინარე რიო-გრანდეს ძირითადად ღამით კვეთენ. უმეტესად სამხრეთ ამერიკის ქვეყნებიდან მომავალი ადამიანები ამერიკის შეერთებულ შტატებში გადასვლას და თავშესაფრის მიღებას ცდილობენ. ეს ფოტოები ტეხასის შტატში მდებარე სასაზღვრო დასახლება იგლ-პასთანაა გადაღებული.

ხანძრები ევროპის სამხრეთ ქვეყნებში

ევროპის სამხრეთში ექსტრემალური სიცხის ტალღები გრძელდება. ხანძრები მძვინვარებს ხმელთაშუა ზღვის მიმდებარე ქვეყნებში, მათ შორის საბერძნეთში და იტალიაში.

კიევი ომის დროს - როგორ გამოიყურება უკრაინის დედაქალაქი ღამით

კახოვკის ინციდენტიდან ერთი თვის შემდეგ

უკრაინელთა ნაწილს კახოვკის კაშხლის დანგრევიდან ერთი თვის შემდეგ, ისევ დანგრეულ სახლებში უწევს ცხოვრება. რუსეთის მიერ კონტროლირებულ სოფლებში ბევრგან ქუჩები და სახლები ისევ დატბორილია, ან ტალახითაა სავსე. მოსახლეობა წყლის და სხვა მინიმალური საარსებო საშუალებების დეფიციტთან გამკლავებას ცდილობს.

დამოუკიდებლობის დღის აღლუმი - 2023

4 ივლისს, ამერიკის შეერთებული შტატები დამოუკიდებლობის დღეს ზეიმობს. ტრადიციულად ვაშინგტონში დამოუკიდებლობის დღისადმი მიძღვნილი აღლუმი გაიმართა. გთავაზობთ ფოტორეპორტაჟს ამერიკის დედაქალაქიდან.

უკრაინელები აშშ-ის დამოუკიდებლობის დღის აღლუმზე

ამერიკა დამოუკიდებლობის დღეს აღნიშნავს. ტრადიციულად დედაქალაქში დამოუკიდებლობის დღის აღლუმი გაიმართა, რომელშიც მონაწილეობა მიიღეს ვაშინგტონში მყოფმა უკრაინელმა იმიგრანტებმა. ამ ფორმით უკრაინულმა დიასპორამ ამერიკელი ხალხისადმი მადლიერება გამოხატა.

ამერიკის დედაქალაქი დამოუკიდებლობის დღის აღსანიშნად ემზადება

247 წელი დამოუკიდებლობის დეკლარაციის მიღებიდან. 4 ივლისს ამერიკის შეერთებული შტატები დამოუკიდებლობის დღეს ზეიმობს. გთავაზობთ ფოტორეპორტაჟს.

სახელმწიფო ვახშამი თეთრ სახლში

ამერიკის პრეზიდენტმა თეთრ სახლში ინდოელი კოლეგის ნარენდრა მოდის პატივსაცემად, სახელმწიფო ვახშამი გამართა. მსგავსი საზეიმო წვეულება ვაშინგტონში მხოლოდ უმაღლესი დონის სტუმრების დასახვედრად იმართება. ეს ჯო ბაიდენის რიგით მე-3 სახელმწიფო ვახშამია, საფრანგეთის და სამხრეთ კორეის ლიდერების მიღების შემდეგ.

კვამლით მოცული ვაშინგტონი და ნიუ-იორკი

ნიუ-იორკის, ვაშინგტონის, ფილადელფიის ჩათვლით, ამერიკის აღმოსავლეთში დიდი თუ პატარა ქალაქები მოყვითალო კვამლშია ჩაძირული. კანადის ველურ ბუნებაში გაჩენილი ხანძრების კვამლი ამერიკაში, ვერმონტის შტატიდან სამხრეთ კაროლინამდეა გადაჭიმული და მას კონტინენტის შუაგულში, ოჰაიოს და კანზასის შტატებშიც კი ელიან.