დასავლეთმა უკრაინის გამარჯვებაზე უნდა იფიქროს და არა მის გადარჩენაზე, რადგან კიევის გამარჯვებაზე ბევრი იქნება დამოკიდებული, მათ შორის, შავი ზღვის უსაფრთხოებაც, ამბობს კოფი. ოკუპირებულ ოჩამჩირეში რუსული საზღვაო ბაზის აშენებაზე კი ამბობს, რომ ეს საქართველოსთვის საფრთხეს რამდენიმე კუთხით წარმოადგენს.
გერმანიის თავდაცვის სამინისტროს ყოფილი მაღალჩინოსანი და მიუნხენის უსაფრთხოების კონფერენციის მკვლევარი ნიკო ლანგე უკრაინაში ომს აფასებს. მისი თქმით, დასავლეთმა უკრაინის დახმარება უნდა გააგრძელოს. მკლევარს მიაჩნია, რომ ომი 2024-შიც გაგრძელდება და ის კიევისა და მოკავშირეების გამძლეობის გამოცდა იქნება.
ესტონეთის პრემიერ-მინისტრი კაია კალასი "ამერიკის ხმასთან" ექსკლუზიურ ინტერვიუში ამბობს, რომ ქართველ ხალხს ევროპასთან სურს ყოფნა და არა - რუსეთთან. ნატოსა და ევროკავშირის წევრი ქვეყნის პრემიერს მიაჩნია, რომ მომდევნო ეტაპზე გადასასვლელად, საქართველომ ევროკომისიის კრიტერიუმები უნდა დააკმაყოფილოს.
ღაზის ქუჩებში ისრაელის თავდაცვის ძალებსა და "ჰამასის" მებრძოლებს შორის შეტაკებები გრძელდება. მდგომარეობა ასევე ძალიან გართულდება თუ ლიბანიდან "ჰეზბოლა" ისრაელს მეორე ფრონტს გაუხსნის. ამ თემებზე "დემოკრატიების დაცვის ფონდის" ანალიტიკოსებს ბრედ ბაუმენსა და ბრაინ ბრობსტს ია მეურმიშვილი ესაუბრა.
მამუკა ხაზარაძე აშშ-ის მორიგ შესაძლო სანქციებზე - „საბოლოო ჯამში, ეს ყველაფერი მიდის ბიძინა ივანიშვილის გარემოცვასთან... ერთადერთი, რაც შემიძლია გითხრათ, გვარების დასახელების გარეშე, ჩვენ უნდა ველოდოთ საკმაოდ საინტერესო მოვლენებს სახელმწიფო დეპარტამენტისგან“.
ჰარვარდში ანასტასია ლელაძე, ქუთაისელი გოგონა უკვე მეორე წელია სრული დაფინანსებით სწავლობს. მისი აზრით, მომავალი დიპლომატისთვის ძალზე მნიშვნელოვანია ამერიკაში, საქართველოს სტრატეგიულ პარტნიორ ქვეყანაში განათლების მიღება. არცთუ იოლ ადაპტაციაში მას თავიდან ყველაზე მეტად ქართველი მეგობრები დაეხმარნენ.
მეტის ჩატვირთვა
