ექსტრემალური ამინდის შედეგად, უკანასკნელი სამი დღის მანძილზე შეერთებულ შტატებში 30-ზე მეტი ადამიანი დაიღუპა.
უკვე 20 წელზე მეტია ამერიკაში მსგავსი სიძლიერის ქარიშხალი არ დაფიქსირებულა. ტორნადოები ხუთშაბათ საღამოს ოკლაჰომას შტატში დაიწყო და სამი დღის განმავლობაში აღმოსავლეთით მდებარე თითქმის ყველა შტატზე მათ შორის არკანზასზე, მისისიპიზე, ალაბამაზე, ჯორჯიასა და სამხრეთ და ჩრდილოეთ კაროლინაზე გადაიარა.
მეტეოროლოგიური სამსახურის ცნობით, ჩრდილოეთ კაროლინაში ერთდროულად 60 ტორნადო ბობოქრობდა. დაზარალებულ ქალაქებში სამშველო სამუშაოები კვლავ მიმდინარეობს.
