დონალდ ტრამპის ნომინანტები რამდენიმე საკვანძო თანამდებობაზე
ამერიკის არჩეულმა პრეზიდენტმა, კაბინეტის, თეთრი სახლისა და დიპლომატიური კორპუსის რამდენიმე პოზიციაზე, ნომინანტები დაასახელა. ფოტოგალერეაში დონალდ ტრამპის მიერ შერჩეულ კანდიდატთა ნაწილს გაგაცნობთ. კაბინეტის წევრები და დიპლომატები საქმიანობას მხოლოდ სენატში დამტკიცების შემთხვევაში შეუდგებიან.
5
შიდა უსაფრთხოების დეპარტამენტის მდივნად ამერიკის არჩეულმა პრეზიდენტმა კრისტი ნოემი წარადგინა. ცნობილი კონსერვატორი ლიდერი ორი ვადის განმავლობაში სამხრეთ დაკოტის გუბერნატორი იყო. ვარაუდობენ, რომ დამტკიცების შემთხვევაში, 52 წლის ნოემი ტრამპის წინასაარჩევნო დაპირებათა შესრულებას და მკაცრი საიმიგრაციო პოლიტიკის გატარებას შეეცდება.
6
59 წლის ჯონ რატკლიფი დონალდ ტრამპმა შეერთებული შტატების დაზვერვის ცენტრალური სააგენტოს დირექტორის პოსტზე დაასახელა. ტრამპის წინა ადმინისტრაციის დროს, ბოლოს წელს, ვიდრე ამერიკის 45-ე პრეზიდენტი თეთრ სახლს დატოვებდა, რატკლიფი ეროვნული დაზვერვის დირექტორად მუშაობდა.
7
ჯანდაცვისა და სოციალური მომსახურების დეპარტამენტის მდივნის პოსტზე წარდგენილია უმცროსი რობერტ კენედი. ის ამერიკის 35-ე პრეზიდენტის, ჯონ კენედის ძმისშვილია. კენედი ჯერ დემოკრატი იყო და საპრეზიდენტო ნომინაციისთვის იბრძოდა, შემდეგ ის დამოუკიდებელი კანდიდატი გახდა, ბოლოს კი რესპუბლიკურ პარტიაში დონალდ ტრამპს დაუჭირა მხარი.
8
თავადაც ვეტერანი დაგ კოლინსი, ჯორჯიის რესპუბლიკელი კონგრესმენი და წარმომადგენელთა პალატის იუსტიციის კომიტეტის რანგიანი წევრი, სენატში დამტკიცების შემთხვევაში, სათავეში ჩაუდგება ამერიკელ ვეტერანთა მომსახურების დეპარტამენტს.
