ისრაელის სამხედროებმა 31 იანვარს განაცხადეს, რომ "ჰეზბოლას" რამდენიმე სამიზნეს ღამით ბექაას ხეობაში და სირია-ლიბანის საზღვრის გასწვრივ დაარტყეს.
არმიის ოფიციალური განცხადებით, მათი სამიზნეები მოიცავს ობიექტს, რომელიც გამოიყენება მიწისქვეშა იარაღის შესაქმნელად და რომელიც დაკავშირებულია ლიბანში იარაღის კონტრაბანდასთან.
ერთი დღით ადრე ისრაელმა განაცხადა, რომ მან "ჰეზბოლას" მიერ გაშვებული სათვალთვალო დრონი ჩამოაგდო. ისრაელსა და ლიბანს შორის მომხდარი მორიგი ინციდენტი "ცეცხლის შეწყვეტის შეთანხმების დარღვევად" შეფასდა.
"ჰეზბოლამ" და ისრაელმა ცეცხლის შეწყვეტის შეთანხმებას ნოემბრის ბოლოს მიაღწიეს, რითიც დასრულდა კონფლიქტი, რომელიც ღაზის სექტორში დაწყებული ომის გამოძახილი იყო.
შეერთებულმა შტატებმა კვირას დაადასტურა, რომ შეთანხმება, რომელიც მოიცავს ისრაელის ჯარების გაყვანის 60-დღიან პერიოდს, ძალაში დარჩება 18 თებერვლამდე. ეს შეთანხმების გაგრძელებას ნიშნავს, ვინაიდან პირველადი შეთანხმებით, ცეცხლის შეწყვეტის ვადის ბოლო დღე 26 იანვარი უნდა ყოფილიყო.
ცეცხლის შეწყვეტის შეთანხმების გაგრძელების შემდეგ, ისრაელმა რამდენიმე დარტყმა განახორციელა ლიბანის ტერიტორიაზე, რის შედეგადაც 100-ზე მეტი ადამიანი დაიღუპა ან დაშავდა.
