ლიბიის ლიდერი მუამარ კადაფის ვაჟი აცხადებს, რომ ლიბია საფრანგეთის პრეზიდენტ ნიკოლა სარკოზის წინასაარჩევნო კამპანიის დაფინანსებაში დაეხმარა. საიდ ალ ისლამ კადაფი სარკოზის გამოყოფილი თანხების დაბრუნებას სთხოვს.
სამაუწყებლო კომპანია ევრონიუზისთვის მიცემულ ინტერვიუში საიდ კადაფიმ განაცხადა, რომ ლიბიას დოკუმენტური მასალა აქვს, რომელიც 2007 წელს სარკოზის კამპანიის დაფინანსებას ადასტურებს.
