ავსტრალიის ოფიციალური პირების განცხადებით, ქვეყნის ჩრდილო-აღმოსავლეთში მდებარე ქვინსლენდის შტატში საავადმყოფოებიდან პაციენტების ევაკუაცია დაიწყო. ადგილობრივი მოსახლეობა და მთავრობა ციკლონის მოლოდინშია.
მეტეოროლოგების პროგნოზებით, ციკლონი "იასი" ავსტრალიის ჩრდილო-აღმოსავლეთ სანაპიროს დაატყდება თავს. ქარის სავარაუდო სიჩქარე კი საათში 280 კმ იქნება.
სანაპირო ზოლთან ახლოს მცხოვრებ 9 ათას ადამიანს მთავრობამ სავალდებულო ევაკუაცია უბრძანა.
ადგილობრივი ავიახაზები გაძლიერებული გრაფიკით მუშაობენ იმ ხალხის ავსტრალიის სხვა ქალაქებში გადასაყვანად, რომლებიც ციკლონისგან თავის დახსნას ცდილობენ.