Wani harin kwanton bauna da aka kai a yammacin Laraba a yankin Tilabery kusa da iyakar Jamhuriyar Nijar da kasashen Mali da Burkina Faso ya yi sanadin rasuwar dakarun kasar sama da 20 wasu 17 suka jikkata.
A ci gaba da kwan gaba kwan baya da huldar Jamhuriyar Nijar da wasu kasashen Yamma ke yi, kasar da ke karkashin mulkin soji, ta yi shelar yanke huldar soji da Amurka.
Wata tawagar manyan jami’an gwamnatin Amurka da ke ziyara a jamhuriyar Nijar na ci gaba da tattaunawa da hukumomin rikon kwayar kasar a wuni na uku domin jin inda aka kwana game da tsare-tsaren jadawalin gudanar da al’amuran mulkin rikon kwarya.
Hukumomin mulkin sojan jamhuriyar Nijar sun soke harajin kayayyakin da aka yi oda domin amfanin jami’an tsaro da na fadar Shugaban Kasa da na gidaen manyan jami’an gwamnati da wadanda suka shafi tallafin ‘yan gudun hijirar cikin gida.
Mali, Nijar da Burkina Faso sun bada sanarwar kafa rundunar hadin guiwar kasashen yankin AES da nufin tunkarar matsalolin ta’addanci a yankin Sahel matakin da masu sharhi akan sha’anin tsaro suka ayyana a matsayin abin a yaba.
Rahotanni daga arewacin jihar Tilabery wato iyakar Jamhuryar Nijar da kasar Mali na cewa ‘yan bindiga sun kona motocin dakon mai tare da halaka mutanen da suka hada da drebobi da yaransu.
Kwanaki 3 bayan da kungiyar ECOWAS ta sanar da janye wani bangare na takunkumin da ta kakaba wa Nijar, an fara samun sauyi a harkokin yau da kullum a kasar inda a cikin daren Laraba, Najeriya ta mayar da wutar lantarkin da ta saba bayarwa yankunan da yarjejeniyar kasashen biyu ta shafa.
Matakin dage wa kasashen Mali da Nijar da Burkina Faso da kuma Guinea takunkumin da kungiyar ECOWAS ko CEDEAO ta sanar a karshen taron shugabannin kasashen Yammacin Afirka da ya gudana a wannan Asabar 24 ga watan Fabrairu a Abuja ya saka farin ciki a zuciyoyin jama’ar jamhuriyar Nijar.
Hukumomin mulkin sojan Jamhuriyar Nijar sun kori wasu kananan jakadun da ke wakiltar kasar a kasashe da dama na nahiyar Turai da Asia har ma da na kasashen Afrika.
Tsohon Shugaban kasar Nijar Issoufou Mahamadou ta bakin lauyansa ya musanta zargin da tsohon jakadan Faransa a Nijar ya yi cewa ya na da hannu dumu dumu a juyin mulkin da soja suka yi wa Mohamed Bazoum a ranar 26 ga watan Yulin 2023.
Kungiyar alkalan shari’a wato SAMAN a Jamhuriyar Nijar ta maida martani bayan da Shugaban hukumar yaki da cin hanci ta COLDDEF ya ayyana shirin karbar wasu takardun binciken almundahana daga hannun mashara’antar kasar.
A jamhuriyar Nijar, an shiga kace nace a tsakanin sabuwar hukumar yaki da almundahana wato COLDDEF da tsohuwar hukumar HALCIA, bayan da shugaban hukumar ya zargi tsohuwar hukumar da lalata wasu bayanan binciken lamarin da ya ce ya na tarnaki ga aiyukan binciken da ke gudana a halin yanzu.
A Nijar, kungiyar lauyoyi ta zargi hukumar yaki da mahandama ta COLDDEF da tauye wa wasu kusoshin hambararriyar gwamnati da ta ke gudanar da bincike akansu damar cin moriyar ‘yancin samun kariya kamar yadda dokokin kasa da kasa suka tanada.
Wani bahasin da Jakadan Faransa Sylvain Itte ya gabatar a Majalissar Dokokin Kasar ta Faransa sun farfado da mahawara dangane da irin rawar da ake zargin tsohon Shugaban kasar Nijar Issouhou Mahamadou ya taka a juyin mulkin da soja suka yi wa Shugaba Mohamed Bazoum a ranar 26 ga watan Yulin 2023.
Shugaban gwamnatin mulkin Sojan Jamhuriyar Nijar ya jaddada cewa bakin alkalami ya bushe dangane da matakin ficewar kasashen Mali, Nijar da Burkina Faso daga kungiyar CEDEAO.
Matakin dage zaben da Shugaba Macky Sall na Senegal ya sanar a jawabin da ya yi wa al’ummar kasar ta kafar tabijan a ranar asabar din da ta gabata a jajibirin ranar kaddamar da yakin neman zabe ya dauki hankulan masana harakokin siyasa da dimokradiyar kasashen Afrika.
Hukumomin sun kuma ayyana hakan ba tare da bayyana dalilan daukan wannan mataki ba.
A yayin da hukumomin mulkin sojan Mali, Nijar da Burkina Faso suka bada sanarwar ficewar kasashensu daga CEDEAO sakamakon zargin kungiyar da kauce wa manufofin da aka kakaba, masana na cewa har yanzu akwai sauran sararin warware wannan dambarwa.
Wasu na ganin wannan mataki da kasashen suka dauka na iya zama mafarin bude wani sabon babi a dambarwar da ke ci gaba da daukan hankulan kasashen duniya kan yankin Sahel.
Hukumomin mulkin sojan Jamhuriyar Nijar sun zargi kungiyar ECOWAS da yi wa shirin sulhu kafar angulu bayan la'akari da yadda kungiyar ta yi nasam a zaman da ya kamata bangarorin su gudanar a yau 25 ga watan Janairun 2024 a birnin Yamai.
Domin Kari
