WASHINGTON D.C —
Akalla mutane 12 sun mutu bayan da wata gagarumar zaftarewar laka ta binne gidaje da yawa a tsakiyar kasar Philippines yau Alhamis.
Bala’in na baya-baya nan ya faru ne sa’o’i bayan fitowar rana a birnin Naga dake tsibirin Cebu. Kwana da kwanakin da aka kwashe ana tapka ruwan sama kamar da bakin kwarya shi ya zaizaye lakar a kan tsaunuka, abinda ya bankado laka da duwatsu kan wasu gidaje.
Hukumomin yankin sun ce mutane kusan 50 sun bace kuma ana fargabar sun makale a baruguzan gine-ginen.
Lamarin da ya faru yau Alhamis na zuwa ne a yayinda mazauna tsibirin Luzon ke kokarin farfadowa daga bala’in zaftarewar laka da suka faru a yankin sakamakon mahaukaciyar guguwar teku Mangkhut.
Facebook Forum