A karshen makon da ya gabata ne fitaccen mawakin Kannywood Abdulkadir Tajuddeen, wanda aka fi sani da Abdul D One ya angwance da amaryarsa Salma.
Mujallar Fim ta ruwaito cewa an daura auren masoyan ne a ranar Lahadin da ta gabata a unguwar Tudun Murtala da ke birnin Kanon Najeriya.
Jaruman Kannywood maza da mata sun hallara a wajen shagulgulan bikin, ciki har da jarumi Ali Nuhu da iyalansa.
Tun a makon jiya da aka fara yada hotunan shirye-shiryen auren ma’auratan, inda abokanan huldar mawakin da masoyansa suka yi ta addu’o’in taya murna.
“Masha Allah, Allah ya sanya alheri,” In ji Jaruma Rukayya Dawayya.
“Allah ya sanya alkairi ango,” fitaccen mawaki Umar M. Shareef ya wallafa a shafin Instagram din mawakin.
Shi ma fitaccen furodusa Bashir Maishadda ya taya mawakin murnar wannan aure inda y ace, “Allah ya sanya alkhairi. Ameen summa ameen.”
