Wasu daga cikin 'yan jam’iyyar PDP a shiyyar tsakiyar jihar Pilato sun yi kira ga hukumar zabe da ta soke zaben ‘yan majalisun tarayya a yankin. Kamar yadda jami’in tattara kuri’u a yankin ya gabatar, saboda wasu matsaloli da suka gano a rumfunan zabe guda tara a karamar hukumar Kanam.

Hukumar zaben dai ta ayyana cewa jam'iyyar APC ce ta lashe zaben kujerar sanata da na dan majalisa a yankin ba tare da bayyana yadda aka warware matsalolin ba.

A halin da ake ciki dai hukumar zaben zata gudanar da zaben sanata a daukacin shiyyar kudancin jihar ta Pilato, da na dan majalisan Jos ta Arewa da Bassa a majalisar tarayya duk daga bangaren jihar Pilato ta Arewa.

Ga rahoton wakiliyar sashen Hausa na Muryar Amurka Zainab Babaji.