Tsohon Shugaban Kasar Amurka Ya Nuna Goyon Bayansa Ga Dan Takarar Shugabancin Kasar Faransa Emmanuel Macron.

A wani sakon faifan Video da ya saka a shafin twitter na Macron, Obama yace yana goyon bayan mutumin ya kira mai sassaucin ra’ayi “Saboda muhimmancin da wannan zaben yake dashi.”

Obama yace “Na yaba da yadda Emmanuel Macron ya gudanar da kamfen dinsa da tsayawa akan akidar Wayewa da sabuwar rayuwa.” Ya kara da cewa haka kuma Macron ya nuna shi mai hangen nesa ne.