Kasar Saudi Arebiya ta bayyana cewa za'a gudanar da aikin Hajjn bana a kasar amma da mutane kalilan kadai, sakamakon yanayin annobar Coronavirus.
Ma'aikatar da ke kula da aikin Hajji ta kasar ce ta bayyana hakan. A cewarta, mutanen da ke zaune a cikin kasar ta Saudiyya ne kawai za su iya gudanar da aikin Hajjin na wannan shekara.
A kowace shekara dai akalla mutum miliyan 2 ne daga duk fadin duniya ke ziyartar Saudiyya domin gudanar da aikin Hajji.
Wasu Musulmai kenan a massalacin Ka'abah kafin barkewar Coronavirus
Za a fara Hajjin na wannan shekara ne a karshen watan Yuli mai zuwa.
To sai dai gwamnatin ta Saudiyya ba ta bayyana adadin wadanda za su iya gudanar da Hajjin ba.
Saudiyyar ta ce ta yanke wannan hukuncin ne saboda kasa samun rigakafi ko maganin cutar Covid-19 ya zuwa yanzu.
Facebook Forum