Washington D.C. —
‘Yar wasan Tennis ‘yar kasar Belarus Aryna Sabalenka ta lashe kofin gasar Australian Open na ajin mata, bayan da ta doke abokiyar karawarta ta kasar China Zheng Qinwen da ci 6-3- da 6-2 a yau Asabar.
Da ma dai Sabalenka mai shekaru 25, ita take rike da kofin gasar ta Austrilan Open, ta kuma kai wasan karshe ne bayan da ta doke ‘yar wasan Amurka Coco Gauf.
Ita ce mace ta farko da ta sake lashe kofin gasar a jere tun bayan Victoria Azarenka da ta cimma hakan a shekarar 2013.
Yanzu Sabalenka ta dauki hanyar shiga ajin fitattun ‘yan wasan Tennis irinsu Ash Baty, Serena Williams, Maria Sharapova da Lindsay Davenport.
Dandalin Mu Tattauna