ABUJA, NIGERIA —
Murtala wanda yake cikin masu gudun hijira a Anka a jihar Zamfara ya ce har yanzu sun a ta binciken sauran mutane da ba a gani ba don sanin ko su na raye ko kuwa a’a.
Murtala ya ce da sun samu kwarin guiwa daga jami’an tsaro, za su iya fatattakar barayin da amfani da bindigar su ta harbi-ka-ruga.
A yanzu dai a cewar Murtala, mutane sun samu an bude mu su makarantun firamare a garin Anka a jihar Zamfara inda su ke samun mafaka.
Da alamun kurar harin ta lafa don ‘yan bindigar sun wuce da kungurmin daji bayan sace dabbobin gida da jama’ar kauyukan ke kiwo.
