Mummunan Ambaliyar Ruwa Ta Kashe Mutane Sama Da 70 A Tanzania Da Kenya

WASHINGTON, D. C. - Ambaliyar ta fi shafar yankin na gabar teku, inda lamarin ya mutane 126,831 a cewar gwamnatin kasar.

Kakakin gwamnati Mobhare Matinyi ya fadi a ranar Lahadin da ta gabata cewa, an raba muhimman kayayyaki da suka hada da abinci ga wadanda abin ya shafa. Ya kara da cewa Tanzania na shirin gina madatsun ruwa guda 14 domin hana ambaliya a nan gaba.

Gabashin Afirka na fama da ruwan sama kamar da bakin kwarya, inda rahotanni suka ce an samu ambaliyar ruwa ma a makwabciyar kasar Kenya inda mutane akalla 13 suka mutu.

Kazalika ababen more rayuwa sun lalace, sannan an yi kira ga wadanda ke zaune a yankunan da ambaliyar ruwa ta shafa da su tashi.

Ana sa ran ruwan saman zai kai kololuwar sa zuwa karshen wannan wata.

-AP