WASHINGTON DC —
Mai magana da da yawun Ma'aikatar, Mark Toner, ya gaya ma Muryar Amurka cewa Ma'aikatar za ta cigaba da amsa tambayoyin manema labarai, saidai kawai ba za ta zauna da 'yan jarida irin na kullum ba a wannan mako, wato tun daga 6 zuwa 10 ga wata. Ya ce to amma jami'an da abin ya shafa za su maido da hira da 'yan jarida na kullum da zarar sun samu sukunin hakan.
Rabon a kira taron manema labarai na kullum a Ma'aikatar Harkokin Wajen Amurka tun ran 19 ga watan Janairu, lokacin da kakakin Ma'aikatar, John Kirby, wanda nadin siyasa ne kuma tsohon sojan ruwa, ya yi jawabinsa na karshe.
