Kungiyar kwallon kafa ta Brighton and Hove Albion FC ta kasar Ingila ta sallami mai horar da ita, Christopher Hughton, bayan da ya shafe shekaru hudu da rabi a kulab din, a cewar wata sanarwa a jiya Litinin.

Hughton ya jagoranci kungiyar da ya dagota da ita a shekarar 2017, wacce kuma ya kawo karshen matakin shekaru 34 da suka yi suna buga karamar gasa.

Hakan ya ba su damar tsira a wannan kakar wasannin ta biyu da suka buga duk da irin rashin nasara da suka yi a duka wasaninsu na karshe guda 9.

“Babu shakka, wannan wani mataki ne mai matukar wahala da ya kamata na yanke a matsayina na shugabana kungiyar Brighton and Hove Albion." Inji shi.

“Amma a karshe, dole na yi, saboda yadda muka rika fama da matsaloli a zagaye na biyu a wannan kakar wasannin." ya kara da cewa.