Yan sandan Canada sun kama wani matukin wata motar da ta afkawa masu tafiya da sawu a jiya Litinin a birnin Toronto ya kashe mutane goma kana ya raunata wasu 15
Yan sandan sun ce sunan matukin Alek Minassian, amma kuma basu yi wani karin bayani a kansa ba. Sai dai kampanin yada labarai na Canada wato CBC ya rawaito jami’an gwamnati na cewar direban ba shi da wata alaka da wata kungiyar ta’addanci kana bai kasance wata barazana ga tsaron Canada.
Firayi Ministan Canada Justin Trudeau, ya jajantawa wadanda harin ya rutsa da su kuma ya mika godiya ga 'yan kwana-kwana wadanda suka fara kai dauki a inda abin ya faru.
Awata sabuwa kuma a jiya Litinin yan sanda a jahar Tennesse dake nan Amurka sun kama Travis Reinking, wanda ya harbe mutqne 6 a wani gidan cin bsnci, kamin daga bisani ya gudu.
Facebook Forum