Jamus Ta Fitar Da Sunayen 'Yan Wasa Da Za Su Wakilceta A Gasar Euro 2024

Akwai tsoffin 'yan wasa kamar Manuel Neuer, Thomas Müller, Toni Kroos, da kyaftin Ilkay Gündogan, tawagar ta farko ta hada da abokan wasan Führich na Stuttgart dan wasan gaba Deniz Undav da ‘yan wasan baya Waldemar Anton da Maximilian Mittelstädt. Leon Goretzka, Mats Hummels da Julian Brandt sune aka dakatar da su kuma hakan ya zo da mamaki, inda babban kocin Julian Nagelsmann ya fi son Pavlovic da Robin Koch na Eintracht Frankfurt da aka ambata da farko.

Za a rage tawagar 'yan wasa 27 da za su wakilci Jamus a gasar zuwa abin da ba zai haura 26 ba ya zuwa ranar 7 ga watan Yuni, lokacin da Jamus za ta buga wasan sada zumunci na karshe kafin gasar Euro.

Nagelsmann ya tabbatar, da duk gololi masu tsaron gida hudu za su je gasar Euro, abin da ke nufin a cikin sauran ‘yan wasan ne za a dakatar da mutum daya.

Yadda Hukumar Kwallon kafa ta Jamus (DFB) ta sanar da tawagar ta haifar da kace-nace tsakanin ‘yan kasar fiye da zabo ‘yan wasa.

Ga dai teburin jerin sunayen ‘yan wasan da matsayinsu da kungiyoyinsu da shekarunsu da kuma lokutan da suka taka wa kasar Jamus leda.

* Mai tsaron gida (GK), Dan wasan baya (DWB), Dan wasan tsakiya (DWT), Dan wasan gaba (DWG):