WASHINGTON D.C —
Hukumar zabe mai zaman kanta ta jihar Filato, ta ba da tabbacin gudanar da zabe a karamar hukumar Quanpan, inda gobara ta lashe wassu kayayyakin zabe ciki har da katunan zabe kusan dubu shida.
Shugaban hukumar zabe mai zaman kanta a jihar Filato, Malam Hussaini Halilu Pai, ya ce tuni suka dauki sunayen wadanda gobarar ta shafi katunan su, ta kuma samar da sauran kayayyakin da suka kone don tabbatar da cewa kowa ya sami damar yin zabe.
Mataimakin sakataren majalisar mashawarta kan harkokin jam'iyyu, Sabastine Pyoklam, ya shawarci masu kada kuri'a da su kai rahoton duk wani abin da suka gani ba dai-dai ba, maimakon daukar doka a hannunsu.
Salisu Idris mai kilishi Bokkos, ya baiwa jama'a shawara da su bi chanchanta wajen zaben shuwagabanni.
Facebook Forum