WASHINGTON, DC —
Rahotanni sun ce nakiyoyi biyu sun tashi a cikin masallacin dake Jiddari Polo a harin bom na baya bayan nan a babban birnin jihar Borno cibiyar mayakan kungiyar Boko Haram.
Ranar jumma’a da ta gabata, a kalla ‘yan kunar bakin wake uku suka tarwatsa kansu a bayan garin Maiduguri, suka kashe a kalla mutane hudu ‘yan sa’oi bayan wani hari da ‘yan kunar bakin wake biyu suka kai a babban birnin kasar da ya kashe mutane 37.
