Yanzu haka hankula sun fara kwantawa a yankin Michika da Madagali dake arewacin jihar Adamawa, biyo bayan wani hari da mayakan Boko Haram suka kai a daren jiya lamarin da ya jawo hasarar rayuka da dukiya.
Tuni gwamnatin jihar ta kafa kwamitin binciken da zai duba irin asarar da aka yi, kamar yadda kwamishinan yada labarun jihar Ahmad Sajo ya bayyanawa Sashen Hausa.
Wannan na zuwa ne yayin da ya rage kwanaki hudu a sake gudanar da zaben gwamna a wasu runfunan zabe na kananan hukumomin biyu.
A sanarwar da ta fitar, rundunan sojin Najeriya ta bakin mukaddashin kakakin rundunan Kanar Sagir Musa, tace sojojin Najeriya sun sami nasarar kashe da dama daga cikin mayakan da suka kai hari da kuma kwace wasu motocin mayakan.
Saurari cikakken rahoton Ibrahim Abdul'ziz
Facebook Forum