A daren jiya aka fara zanzangar lumana, wacce ta rikide zuwa rikice-rikece tsakanin ‘yan sandan kwantar da tarzoma da masu zanga zangar. Har hakan ta sa ‘yan sanda harba barkonon tsohuwa domin tarwatsa su. Wasu mutane sun farfasa tagogin shaguna gami da kunna wuta a kan hanyoyi.
Gwamnatin birnin ta bayyana cewar wani mutum ya rasa ransa sakamon harbinsa da wani farar hula yayi, daga baya kuma aka ce wannan mutum ya ji mummunan rauni ne. ‘Yan sandan garin Charlotte sun bayyana cewar jami’ansu hudu ne suka dan jij-ji rauni.
Zanga zangar ta faru ne sakamakon harbin wani mutum mai suna Keith Lamont Scott dan shekara 43 a wani gida, wanda ‘yan sanda suka ce suna neman wani ne daban yayin da shi Scott, ya fito daga cikin mota da bindiga, shi kuma jami’in Dan sandan ya harbe shine sakamakon kin ajiye bindigar da yayi.
