WASHINGTON D.C. —
A ranar Larabar da ta gabata ne Majalisar Dokokin Amurka, ta saurari bahasin wasu ‘yan wasan tsalle-tsallen na gymnastic na kasar, wadanda suka kalubalanci kwamitin kula da wasannin Olympics na Amurka, da hukumar binciken manyan laifuka ta FBI, kan dalilin da ya sa suka ki daukan mataki a lokacin da aka zargi likitan ‘yan wasan Larry Nassar da laifin cin zarafinsu ta hanyar neman yin lalata da su.
