WASHINGTON D.C. —
Bayan da aka samu karin mutum 51 da suka kamu da cutar coronavirus a Najeriya, adadin wadanda cutar ta harba ya kai 493.
Hukumar kare yaduwar cututtuka ta NCDC a Najeriya ce ta bayyana karin adadin a shafinta na Twitter a ranar Juma’a.
“Daga karfe 10:10 na dare, 17 ga watan Afrilu ana da mutum 493 da aka tabbatar suna da #COVID19 a Najeriya.” NCDC ta ce.
Hukumar ta kuma ce mutum 159 aka sallama, sannan 17 sun mutu.
Ga jihohi da aka samu karin mutum 51 kamar yadda NCDC ta wallafa a shafinta.
Legas – 32
Kano – 6
Kwara – 5
Abuja – 2
Oyo – 2
Katsina – 2
Ogun – 1
Ekiti – 1
Facebook Forum