Rahotanni daga jihar Adamawa,arewa maso gabashin Najeriya na cewa yanzu haka sojojin Najeriya na can na fafatawa da mayakan Boko Haram a arewacin jihar,a yankin Madagali.Wannan kuma na zuwa ne yayin da yan bindigan ke sauya salon a shigan kayaki irin na banga,wanda har suka yiwa sojoji kofar rago.
Wakilinmu Ibrahim Abdul’aziz ya ruwaito cewa, ‘yan bindigan sun kashe wadansu sojoji suka kuma yi awon gaba da wani soja. Wani mazaunin garin ya shaidawa wakilin namu cewa, I zuwa lokacin hada rahoton ana musayar wuta tsakanin sojoji da ‘yan bindiga a Kishinga kuma kawo yanzu ba a san adadin wadanda aka kashe ba.
A cikin hirarsu da wakilin namu, dan majalisar wakilai mai wakiltar mazabar Madagali/ Michika Adamu Kabali ya bayyana halin da ake ciki a jihar.
Ga cikakken rahoton
