Kawo yanzu dai babu tabbacin ranar da shugaban Najeriya Muhammadu Buhari zai koma gida daga ganin likita a Ingila.
Fadar gwamnatin Najeriya ta fitar da rahotanni masu karo da juna kan batun ranar da shugaban zai koma gida, inda mallam Garba Shehu ke cewa ranar Asabar zai dawo, yayin da Femi Adesina ke cewa babu tabbas ko zai dawo ranar Asabar din.
Dangane da wannan al’amari yanzu haka dai ‘yan Najeriya sun fara cece-kuce.
Mallam Shu’aibu Mungadi, mai sharhi kan al’amuran yau da kullum, ya ce bai san kasar da aka taba samun shugaba mai shekaru 75 da kuma cikakkiyar lafiya ba, saboda haka ba laifi bane a fadawa ‘yan Najeriya cewa bashi da lafiya kuma zai je ganin likita.
Shi kuma Mallam Zubairu Abdurra’uf Idris, na ganin babu dalilin da zai sa a samu irin wannan cece-kuce dangane da irin wannan ziyara.
Domin cikakken rahoton Umar Faruk Musa.
Facebook Forum