LEGAS, NAJERIYA - Magoya bayan Jami'yyar ta APC da ‘dan takarar sun bazama akan titunan birnin Legas da sauran Jihohin kasa, domin gudanar da shagulgulan murnar domin godiya da wannan nasara da suka samu na lashe zaben shugaban kasa.
To yanzu dai za'a ce bakin cikin faduwar APC a Jihar Legas a wancan zabe yanzu ya kona farin ciki, tunda ‘dan takarar shugaban kasa, Bola Tinubu daga karshe ya lashe zaben tare da zama shugaba mai jiran gado kamar yarda shugaban hukumar zabe Farfesa Mahmud Yakubu ya ayyana shi.
To ko yaya mazauna birnin Legas ke ji da wannan nasara? Akasain wadanda Muryar Amurka ta zanta dasu dai sun bayyana jin dadin su tare da kiran hadin kai tsakanin ‘yan adawa domin ciyar da kasar gaba, a wannan lokaci da ake neman zaman lafiya da ci gaba a kasar.
Yanzu dai abun jira a gani shine ko Jamiyar zata samu nasara a zaben gwamnoni mai zuwa.
Saurari cikakken rahoto daga Babangida Jibrin:
