kano, najeriya —
An tsaurara matakan tsaro a wasu sassa na birnin Kano yayin da babbar kotun tarayya dake Kano ke zaman sauraron kara kan takaddamar Sarautar Kano.
Yayin da lauyoyi da manema labarai da sauran Jama’a suka cika zauren Kotun dake Unguwar Gyadi-Gyadi a birnin Kano, an girke dinbin Jami’an tsaro a muhimman wurare, musamman hanyoyin yankunan da kotun ke zama.
Da misalin karfe 12 na ran nan ne alkalin kotun mai sharia M.A Liman ya zauna domin sauraron shari'ar.
Alhaji Aminu Babba DanAgundi ne, Sarkin Dawaki Babba ya shigar da kara gaban kotun yana kalubalantar matakin gwamnatin Kano na rushe masarautu hudu da sauke sarakuna 5 na jihar Kano.
Dandalin Mu Tattauna