Hukumar dakile yaduwar cututtuka ta Najeriya (NCDC) ta ce cikin sa’o’i 24 an samu karin mutum 576 da suka harbu da COVID-19, kwayar cutar da ke haddasa coronavirus.
Sanarwar da Hukumar NCDC ta fitar a shafinta na Twitter jiya Talata, 21 ga watan Yuli ta ce adadin wadanda aka tabbatar sun kamu a kasar yanzu ya kai 37,801.
Jihohin da aka gano sabbin wadanda suka kamu da cutar sun hada da Lagos inda aka samu mutum 88, 87 a Kwara, 82 a Abuja, 62 a Plateau, 39 a Ondo, 28 a Enugu, 26 a Oyo, 24 a Taraba, 20 a Kaduna, 20 a Ebonyi, 17 a Cross River, 14 a Kano.
Sauran jihohin sun hada da mutum 11 a Rivers, 10 a Ogun, 9 a Delta, 8 a Nasarawa, 8 a Osun, 3 a Katsina, 2 a Imo da kuma Kebbi da Borno 1.
Sai dai hukumar NCDC ta ce ya zuwa yanzu an sallami mutum 15,677, kana mutum 805 suka mutu.
Facebook Forum