Madugun safarar fodar Iblis a Mexico, Joaquin,wanda aka fi sani da "El-Chapo" yaki ya amsa laifi na tafiyarda gagarumar fasa-korin kwayoyi a yankin arewacin nahiyar Amurka, da suka hada harda halakawa da sace mutane.
Guzman,wanda yayi magana ta lauyoyinsa da kotu ta bashi,jiya Jumma'a ne a gaban wata kotun Amurka dake New York yaki ya amsa laifuffuka daban daban har 17 da ake tuhumarsa akai. Lauyoyinsa basu nemi beli ba.
A daren Alhamis aka kawo Guzman Amurka daga Mexico bayan da hukumomin kasar a wani matakin ba zata suka tusa keyarsa zuwa Amurka.
Guzman ya dauki fiyeda shekara yana adawa da shirin tusa keyarsa zuwa Amurka, bayan da tsere daga Fursina har sau biyu a kasar.
