A Najeriya, hukumomin tsaro na ci gaba da lugudan wuta akan ‘yan bindiga a jihar Zamfara. Nasarar da ake samu dai ta biyo bayan tsauraran matakai da ake dauka ne da suka hada da yanke hanyoyin sadarwa. Gwamnan jihar Sokoto Aminu Waziri Tambuwal ya shaidawa Muryar Amurka cewa suna goyon bayan matakin da aka dauka a Zamfara, sai dai akwai wani abu guda da ba a yi ba wanda ya sa ‘yan bindigar sulalewa zuwa makwaftan jihohi.
