Archive

Protesta e studentëve në Prishtinë

Forcat e policisë ndërhynë sot për të shpërndarë një protestë të grupeve të studentëve të Universitetit të Prishtinës, të cilët protestuan kundër siç është thënë, emërimeve politike në rektoratin e këtij universiteti. Protestat bënë që të ndryshojnë edhe ceremonitë për pritjen e rreth 11 mijë studentëve që janë regjistruar këtë viti të ri akademik në këtë universitet.

Arkeologjia në Koman

Në Shqipëri, drejtues të Institutit të Arkeologjisë vlerësojnë si shumë të rëndësishme gërmimet arkeologjike, të kryera gjatë këtij viti në Koman të Shkodrës, qendër kjo ku ruhen dëshmi të vazhdimësisë Iliro-shqiptare. Drejtoresha e Institutit të Arkeologjisë, Shpresa Gjongercaj, tha se gërmimet në Koman janë zhvilluar në sajë të bashkëpunimit të arkeologëve shqiptarë me ata të shkollave franceze të arkeologjisë.

Tenisi bashkon fëmijët kosovarë dhe serbë

Shumë gjëra i ndanë shqiptarët e Kosovës dhe pakicën serbe gjatë viteve të konfliktit etnik, por të dielën në Graçanicë, fëmijët sollën një frymë të re, ku e vetmja ndarje ishte rrjeta në fushën e tenisit. Rreth njëqind fëmijë marrin pjesë në një kampionat tenisi që mbledh fëmijë të origjinave të ndryshme etnike.

Interviste me Pres. Nishani

Interviste me Presidentin e Shqiperise Bujar Nishani.

Marreveshje per gazsjellesin

Shqipëria, Italia dhe Greqia nënshkruan të enjten në Nju Jork një marrëveshje për ndërtimin e një gazsjellësi, i cili nëse miratohet nga një konsorcium investitorësh, do të lidhë tre vendet, duke sjellë gazin nga fushat Azerbajxhanit për në Perëndim.

Privatizimi i Albpetrolit

Kompania amerikane Vetro Energy ploteson kriteret per privatizimin e Albpetrolit.

Hashim Thaci ne New York

Kryeministri i Kosovës, Hashim Thaçi, i cili ndodhet në Nju Jork për të marrë pjesë në takime dhe forume me udhëheqës ndërkombëtarë, tha se normalizimi i marrëdhënieve të vendit të tij me Serbinë është bërë një domosdoshmëri por Beogradin e pengon mentaliteti i së kaluarës.

Intervistë me ministrin Besim Beqaj

SHBA mbështesin zhvillimin e bujqësisë në Kosovë

Në Kosovë, qeveria amerikane dhe ajo në Prishtinë nënshkruan një marrëveshje me të cilën mundësohet ofrimi i kredive për bujqit dhe agrobizneset, me një vlerë prej 26 milionë dollarësh amerikanë. Përfaqësuesit e të dyja vendeve e vlerësuan këtë marrëveshje si një ndihmesë të madhe për zhvillimin e sektorit të bujqësisë, që shihet si një nga shtyllat e zhvillimit ekonomik, por që kishte mbetur nën hijen e sektorëve të tjerë.

Banka Qendrore mbi rritjen ekonomike të Shqipërisë

Në Tiranë Banka Qendrore tha sot se aktiviteti ekonomik i vendit pritet të jetë i ulët. Në përfundim të mbledhjes së Këshillit Mbikqyrës, guverntatori i Bankës Ardian Fullani tha se rritja ekonomike është e kushtëzuar nga rënia e konsumit dhe e investimeve private si dhe nga mungesa e stimujve fiskalë, si pasojë e politikave të ndjekura nga qeveria për të garantuar qëndrueshmërinë makroekonomike. Për shkak të një niveli shumë të ulët të të ardhurave, qeveria është detyruar të kufizojë shpenzimet dhe investimet.

Polemikat PD-PS

Në Shqipëri vazhdojnë polemikat e forta mes shumicës dhe opozitës për bllokimin e ligjit mbi Gjykatën e Lartë. Socialistët këmbëngulën edhe sot në komisionin e ligjeve se më parë duhej që shumica të zgjidhte politikisht bllokimin e reformës parlamentare, problemin mbi drejtimin e qarkut të Fierit dhe çështjen e fondeve për bashkitë që i përkasin asaj. Kërkesat e socialistëve u konsideruan nga përfaqësuesit e shumicës si pretekste për të bllokuar procesin e integrimit duke qenë se për ligjin për gjykatën e lartë ka një kërkesë të hapur nga Brukseli.

Kosovë, Debat rreth luftës kundër krimit

Në Prishtinë, përfaqësues të Kosovës dhe disa vendeve të rajonit po debatojnë kuadrin ligjor për konfiskimin e pasurive të vëna në mënyrë të paligjshme, si pjesë e luftës kundër krimit të organizuar dhe korrupsionit. Debati vjen në një periudhë diskutimesh e mospajtimesh rreth kuadrit ligjor të Kosovës, lidhur me trajtimin e çështjes së pasurive të vëna në rrugë të tilla.