Archive

• gusht 17, 2012

  Regjistrimi i ekonomive bujqesore

  Regjistrimi i ekonomive bujqesore

• gusht 16, 2012

  Tetovë: I jepet lamtumira e fundit Arbër Xhaferrit

  Disa mijë qytetarë të Tetovës dhe viseve të tjera në Maqedoni i dhanë sot lamtumirën e fundit ish-kryetarit të partisë Demokratike Shqiptare, Arbër Xhaferi, i cili vdiq dje si pasojë e një hemorragjie cerebrale. Politikanë dhe përfaqësues të qeverive të Shqiupërisë, Kosovës, Maqedonisë dhe të partive politike ishin të pranishëm në homazhet që u zhvilluan me këtë rast dhe në ceremoninë e varrimit.

• gusht 16, 2012

  Shqipëri: Nderohet kujtimi i Arbër Xhaferrit

  Në Tiranë, anëtarët e qeverisë shqiptare mbajtën sot një minutë heshtje në nderim të , Arbër Xhaferrit, një prej figurave më të spikatura të botës shqiptare. Kryeministri Sali Berisha e cilësoi atë si një mendimtar, politikan dhe personalitet të shquar me një kontribut historik jo vetëm në mbrojtjen dhe promovimin e të drejtave të shqiptarëve në Maqedoni por edhe në rajon. Vlerësime maksimale për zotin Xhaferri u bënë që mbrëmë nga autoritetet më të larta shtetërore dhe politike të vendit.

• gusht 16, 2012

  Ambasadoria amerikane takohet me presidenten Jahjaga

  Në Kosovë, ambasadorja e re amerikane Tracy Jacobson i dorëzoi sot letrat kredenciale presidentes së Kosovës, Atifete Jahjaga, duke filluar edhe zyrtarisht punën e saj në këtë post. Ajo u zotua për vazhdimin e mbështetjes amerikane për Kosovën, mbështetje kjo që sipas presidentes së Kosovës Atifete Jahjaga është e domosdoshme për të gjitha proceset politike në Kosovë.

• gusht 14, 2012

  Shqipëri, Gazsjellësi Transadriatik

  Në Shqipëri ministri i jashtëm Edmond Panariti u shpreh optimist për ecurinë e projektit të gazsjellësit Transadriatik i cili parashikohet të dërgojë në Europë gazin e fushave të Azerbajxhanit duke kaluar përmes Greqisë, Shqipërisë dhe Italisë. Ministri Panariti tha sot se së shpejti do të ketë edhe një marrëveshje mes tre vendeve të interesuara. Ai hodhi poshtë zërat e përhapur nga mediat greke sipas të cilave Athina e kushtëzon mbështetjen e saj ndaj gazsjellësit me firmosjen e marrëveshjes së kufijve detare me Shqipërinë.

• gusht 14, 2012

  Projekte në Shkodër

  Fondacioni Shqiptaro-Amerikan i Zhvillimit po mbështet rikonstruksionin e dy rrugëve historike dhe tregtare në qytetin e Shkodrës. Drejtuesit e Bashkise së këtij qyteti e vlerësojnë si një model të ri bashkëpunimi, ndërsa përfaqësuesit e biznesit të zonës, si mundësi edhe për realizimin e projekteve të tjera, në dobi të zhvillimit të tregtisë dhe turizmit në një nga zonat më të rëndësishme të qytetit të Shkodrës.

• gusht 14, 2012

  Shpërthim në veri të Mitrovicës

  Në Kosovë, autoritetet e rendit thanë se gjatë natës që lamë pas një granatë dore dëmtoi pronën e një serbi në veriun e Mitrovicës, por pa pasoja në njerëz. Po, në atë zonë të banuar me shumicë serbe, dy shqiptarë janë sulmuar fizikisht nga një grup i serbëve lokal. Nuk ka pasur të arrestuar lidhur me këto incidente që nxitën reagimin e përfaqësueseve lokal serbë dhe të autoriteteve të Beogradit.

• gusht 13, 2012

  Dhuna në familje

  Në Tiranë u shënua sot nje tjetër akt dhune në familje. Një vajzë 18 vjeçare shtiu me armë ndaj një personi që sipas saj, e dhunonte prej disa vjetësh dhe përpiqej ta trafikonte në Itali. Studiuesit e shoqërisë shqiptare pohojnë se forcat e rendit duhet të ndërhyjnë më energjikisht për të shmangur dhunën në familje. Kriza ekonomike shihet prej tyre, si një faktor i ri që ka shtuar rastet e dhunës mes familjarëve.

• gusht 13, 2012

  Kosovë, Zyra e qeverisë në veri

  Shefja e zyrës administrative në veri të Mitrovicës, e themeluar nga qeveria e Kosovës, Adriana Hoxhiç, i tha sot Zërit të Amerikës se kërcënimet ndaj punonjësve të saj mund të dëmtojnë në radhë të parë interesat e qytetarëve të veriut. Ajo tha se zyra administrative nuk është kërcënim për institucionet tjera që veprojnë në veriun e banuar me shumicë serbe, por synon lehtësimin e jetës së qytetarëve të asaj zone.

• gusht 13, 2012

  11 vjetori i Marrëveshjes së Ohrit

  Sot mbushen njëmbëdhjetë vjet nga nënshkrimi i Marrëveshjes së Ohrit, e cila i dha fund konfliktit midis kryengritësve shqiptarë dhe forcave qeveritare maqedonase. Marrëveshja ka ndihmuar në përmirësimin e gjendjes së shqiptarëve në Maqedoni, por zbatimi i saj në praktikë vazhdon të ndeshet me sfida.

• gusht 09, 2012

  Lirohet nga detyra drejtori i SHISH

  Në Shqipëri presidenti i Republikës Bujar Nishani firmosi sot dekretin për lirimin nga detyra të drejtorit të Shërbimit informativ shtetëror Bahri Shaqiri. Presidenca njoftoi vetëm se shkarkimi ishte bërë pas propozimit të kryeministrit Sali Berisha. Në vend të zotit Shaqiri u emërua Visho Lika, aktualisht zëvendësministër i Teknologjisë dhe Inovacionit dhe ish drejtor i kundërzbulimit në fillim të viteve ’90. Një burim i nivelit të lartë në ambasadën amerikane në Tiranë tha për Zërin e Amerikës se “koha dhe arsyeja e vendimit përbëjnë pikëpyetje”.

• gusht 09, 2012

  Intervistë me z. Fatos Klosi

  Për të marrë reagimet e para në lidhje me ndryshimin e drejtorit të Shërbimit Informativ Shtetëror, në emisionin Ditari, kishim në lidhje të drejtpërdrejtë telefonike nga Shqipëria, ish drejtorin e këtij Shërbimi, zotin Fatos Klosi.

Ngarko më shumë