Archive

• gusht 30, 2012

  Dita e katërt e kuvendit republikan

  Mitt Romney del në skenë sot në Kuvendin Kombëtar Republikan për të argumentuar se përse ai meriton të zgjidhet president i Shteteve të Bashkuara. Kandidati i partisë republikane do t’u drejtohet të pranishëmve në kunvendin e Tampas në Florida, ndërsa miliona amerikanë do ta ndjekin përmes televizionit, pas disa ditë fjalimesh nga figura të njohura të partisë që synonin të tregonin sesi zoti Romney do të drejtojë ndryshe nga presidenti amerikan Barack Obama. Mbrëmë kandidati i partisë republikane për nënpresident Paul Ryan mbajti një fjalim me tone të fuqishme, duke premtuar fundin e "arsyetimeve dhe fjalëve boshe", kur vjen fjala për ekonominë, nëse votuesit zgjedhin zotin Romney në zgjedhjet e nëntorit.

• gusht 30, 2012

  Presidenti Nishani në Kosovë

  Presidenti i Shqipërisë, Bujar Nishani ndodhet në Prishtinë në një vizitë zyrtare me ftesë të Presidentes së Kosovës Atifete Jahjaga. Kjo është vizita e tij e parë jashtë vendit që nga ardhja në postin e presidentit. Gjatë një fjalimi në parlamentin e Kosovës, Presidenti Nishani tha se Tirana mbështet proceset politike në Kosovë, përfshirë bisedimet me Serbinë si dy vende sovrane.

• gusht 30, 2012

  Të humburit e masakrës së Krushës së Vogël

  Kosova shënoi sot ditën ndërkombëtare të personave të zhdukur duke bërë thirrje për ndriçimin e fatit të 1 mijë e 770 personave, pjesa më e madhe e të cilëve të përkatësisë kombëtare shqiptare. Organizatat humanitare ndërkombëtare thonë se mungesa e vullnetit politik ka ngadalësuar procesin e ndriçimit të fatit të personave të zhdukur gjatë luftërave në hapësirat e ish Jugosllavisë. Nga

• gusht 30, 2012

  Të hënën, zyrtarisht konkursi për postin e kryetarit të KQZ

  Ne Tirane, Parlamenti beri te ditur se te henen celet zyrtarisht konkursi per postin e kryetarit te ri te Komisionit Qendror te Zgjedhjeve. Sipas ndryshimeve te fundit konsensuale ne Kodin Zgjedhor, cdo qytetar eshte i lire te konkurroje per kete post, aq te kritikuar deri tani per njeanshmeri partiake. Opozita tha nga ana e saj, se parlamenti ka humbur dy jave kohe, kur duhet te mblidhte kërkesat, dhe se KQZ e re duhet te zgjidhet brenda shtatorit.

• gusht 29, 2012

  Dita e tretë e kuvendit republikan

  Kandidati republikan për president, Mitt Romney siguroi dje emërimin e partisë, ndërsa bashkëshortja e tij Anne, dhe guvernatori i Nju Xhersit, Chris Christie argumentuan se përse zoti Romney duhet të jetë presidenti i ardhshëm i Shteteve të Bashkuara

• gusht 29, 2012

  Intervistë me aktorin Praq Rado

  Në festivalin ndërkombëtar të filmit në Durrës, konkurron edhe filmi “Dreaming American”- “Duke ëndërruar për të qenë amerikan”. Rolin kryesor të këtij filmi e interpreton aktori shqiptar Prak Rado. Skenari i filmit përshkruan jetën dhe përvojën personale të Prak Rados, i cili në moshën 16 vjeçare emigroi nga Thethi i Dukagjinit në Shtetet e Bashkuara, ku u përball me vështirësitë dhe realitetin amerikan.

• gusht 29, 2012

  Zjarret në Dragash të Kosovës

  Ne Kosove disa zona jane perfshire nga zjarret, te cilat deri tash kane demtuar rende mijera hektare kryeisht me pyje. Autoritetet druajne se nje pjese e zjarreve jane vene qellimshem. Korrespondeti yne Besim Abazi i cili ndohet ne komunen e Dragashit ne Kosoven jugore thote se lufta me zjarret eshte veshtiresuar edhe nga zonat e minuara.

• gusht 29, 2012

  Projektligjet per shërbimin civil dhe administraten

  Qeveria ne Tirane i percolli sot parlamentit dy projekt-ligje mbi sherbimin civil dhe administraten publike, ne perpjekje per te kryer reformat e kerkuara nga Bashkimi Europian. Kryeministri Berisha deklaroi se me keto projekt-ligje synohet mbajtja e administrates larg betejave politike dhe fushatave zgjedhore. Por opozita shprehu mosbesimin e vet. Deputete te saj pohuan se qeveria edhe me pare e ka perdorur administraten shteterore per fushata zgjedhore, ndonese kjo ndalohej nga Kodi Zgjedhor.

• gusht 24, 2012

  SHBA, Kuvendet kombëtare të partive

  Çdo katër vjet në Shtetet e Bashkuara, kuvendet kombëtare të partive politike mbahen për të prezantuar zyrtarisht kandidatët presidencialë tek amerikanët. Në fillim kandidatët e partive për president zgjidheshin me negociata të fshehta, larg syve të publikut. Ndërsa sot kuvendet janë kryesisht ceremoniale. Kjo ka bërë që të shtrohet pyetja, a janë ato më të nevojshme?

• gusht 24, 2012

  Shumica kërkon referendum për imunitetet

  Ne Tirane, Kryeministri Sali Berisha tha se deputetet e shumices do te dorezojne ne shtator kerkesen per referendum ne parlament mbi heqjen e imuniteteve te zyrtareve te larte dhe gjyqtareve. Ai tha se referendumi kerkohet sepse opozita e bllokoi kete ceshtje ne parlament 1o vjet rresht dhe ne 6 gusht, ndonese e pergatit vete projekt-ligjin. Por opozita socialiste thote se nuk eshte kunder heqjes se imuniteteve, por kerkon qe ajo te bashkohet edhe me referendume te tjera qe kerkohen aktualisht. Kryeministri Berisha komentoi ne konferencen e shtypit edhe per shkarkimin e ish-drejtuesit te SHISH-it, Bahri Shaqiri.

• gusht 24, 2012

  Thaçi, Optimist për mbështetje politike

  Në Kosovë, kryeministri Hashim Thaçi, shprehu sot bindjen se të gjitha forcat politike do të mbështesin ndryshimet e nevojshme kushtetuese për përmbylljen e mbikëqyrjes së pavarësisë, që pritet të përfundojë më 10 shtator. Një pjesë e opozitës mbështetë këtë proces me gjithë pakënaqësitë me qeverinë e Kosovës, ndërsa Lidhja Demokratike kërkon që ndryshimet kushtetuese lidhur me mbikëqyrjen e pavarësisë të shihen ndryshe nga ato që kanë të bëjnë me formën e zgjedhjes së presidentit të vendit.

• gusht 23, 2012

  Intervistë me një viktimë të dhunës në familje

  Kohët e fundit në shtypin shqiptar janë shtuar përsëri njoftimet për akte dhune në familje. Dhuna në familje vjen për një mori shkaqesh ekonomike, sociale dhe kulturore. Por çfarë thonë vetë viktimat e kësaj dhune? Zonja që kemi intervistuar sot thotë se është penduar shumë që e ka fshehur kaq gjatë dhunën e bashkëshortit të saj për 10 vjet nga afro 20 vjet martesë. Ajo thotë se pikërisht fshehja e dhunës, turpi nga shoqëria dhe presioni i familjes për mosdivorcim janë mes shkaqeve kryesore që e shtojnë dhunën fizike dhe atë psikologjike ndaj grave dhe fëmijëve në familje.

Ngarko më shumë