Presidenti Donald Trump emëroi aktivistin dhe autorin konservator L. Brent Bozell III si kreun e Agjencisë së Shteteve të Bashkuara për Median Globale, e cila përfshin pesë entitete ndërkombëtare të medias të financuara nga qeveria amerikane, përfshirë Zërin e Amerikës.
“Si Themelues dhe President i Qendrës për Kërkimet e Medias për 38 vjet, janë të pakët ata që e kuptojnë peizazhin e medias globale në shtyp, televizion dhe në internet më mirë se Brent”, postoi Presidenti Trump në platformën e tij të mediave sociale “Truth Social” të mërkurën në mbrëmje.
Përveç Zërit të Amerikës, USAGM mbikëqyr Rrjetin për Transmetimet në Lindjen e Mesme, Radion Evropa e Lirë/Radio Liria, Radion Azia e Lirë dhe Zyrën e Transmetimeve për Kubën.