Inengi lilokhe lilinde ngabomvu impumela yokhetho lokudinga umongameli weMelika ngesikhathi amavoti esabalwa, njalo kungakacaci ukuthi onqobayo ngubani phakathi kukamongameli Donald Trump webandla lama Republicans kanye loMnu. Joe Biden owelama Democrats.

Ukuhlaziya loludaba, sixoxa lengcwethi ecubungula ezombusazwe uDr. Pricilla Ndlovu, isizalwane seZimbabwe esihlala esigabeni seWashington State khonapha eMelika.

Embed share

Ingxoxo loDr. Priscilla Ndlovu

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:17 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala

Izizalwane zeZimbabwe eziphatheka kwezombusazwe ziyayincoma indlela eleMelika eliphatha ngayo ukhetho, kulandela ukugqitshwa kokuvota nxa kuqathaniswa lendlela amazwe awezwekazi le Africa aqhuba ngayo umsebenzi wokhetho, okugoqela eleZimbabwe.

Ukubalwa kwamavoti kukhetho lokudinga umongameli kweleMelika lapho okungqikilana, uMnu Joe Biden webandla lamaDemocrats, loMongameli Donald Trump webandla lamaRepublicans, lokhu kuqhubekela phambili sokusele izigaba ezingaba zinhlanu eziyizo ezibhekwe ngumhlaba wonke ukuthi zizaletha impumela ezaveza onguye osenqobile.

AbeZimbabwe labo babheke ngelokhozi impumela yalolukhetho, bencoma okumangalisayo indlela lumsebenzi oqhutshwa ngawo.

Omunye wallaba bantu nguMongameli weMthwakazi Republic Party, uMnu Mqondisi Moyo.

“Ukhetho olusanda kwenzakala eMelika kutshengisa ukuba baledemocracy bayakhetha umuntu abamfunayo ngasiphi isikhathi. Ugatsha oluphe ezokhetho izimele yodwa kulabo ababusayo lempumela ibayileyo evotelwe ngabantu umasikuqathanisa lokweZimbabwe akunjalo sisasekude lokufana leMelika.”

:Isikhulumi sebandla leMDC-Alliance koBulawayo uMnu Swithern Chirowodza uvumelane loMnu Moyo.

“Into enhle eMelika yikuba abantu ababala amavote ngabantu abazimeleyo kukanti kwelakithi akunjalo ibutho lihamba phambili kithi, ukhetho lweMelika luhle kakhulu.”

Isikhulumi sebandla leZAPU, uMnu Iphithule Maphosa ngomunye laye obuka indlela eleMelika ephethe ngayo ukhetho.

“Sithanda ukutshayela abantu beMelika ihlombe ngokwenza ukhetho oluqoqekileyo, asikezwa ngokwehluleka kwendlela abaqhuba ngalo ukhetho lobanje obegumongameli elensolo. Sibafisela okuhle lozanqoba ubukhokheli obuhle obulentutuko kuhlanganisa lokusebenza lezizwe zonke ikakhulu eAfrica singakatholi impumela epheleleyo.”

Isakhamuzi sakoBulawayo abaphatheka kwezombuswe eMat South, uMnu Mathew Sibanda uthi ukhetho lweMelika luqhutshwe kahle.

“Ukhetho lwabo bebengethuselwa, kuvotwa ngokuthula osolayo uziyela edale kungela budlwangudlwangu. Sifisa ukuba ngabe leZimbabwe kubalokhetho abantu bekhululekile kungethuselwana.”

Olwela amalungelo oluntu, uMnu Ben Moyo ongomunye wabalwa impi yenkululeko yena uthi akaboni impumela yokhetho lweMelika iguqula imithetho yalo yokudlelana lamanye amazwe.

“Impumela yokhetholweMelika kithi ayiguquli lutho ngoba imithetho yabo ngamanye amazwe ayizukuguquka ngaphandle thina size siguquke. Kimi uJoe Biden loDonald Trump bayafana musa.”

Isakhamuzi sakoBulawayo , uNkosikazi Nokuthula Ndlovu uthi uyalusola ukhetho lweMelika uma ekhangela kukhetho olwedlule.

"Mina ngidanile ngendlela izwe leMelika eliphathe ngayo ukhetho. Kuyadanisa akukho esingakufunda kukhetho lweMelika kuhlanganisa lamalungelo oluntu abazange besitshengise ukuba balilizwe elithuthukileyo."

Lokhu zindala zombili kukhetho lokudinga umongameli weMelika njengoba uMongameli Donald Trump webandla lamaRepublicans, lowake waba ngumsekeli kamongameli, uMnu. Joe Biden, webandla lamaDemocrats, belokhu bemelele ukuzwa ozathola amavoti amanengi phansi kohlelo lokhetho lwalelozwe olubizwa ngokuthi yiElectoral College Votes.

Okwamanje uBiden uyakhokhela ngemiklomelo yamaElectoral Votes. Ozanqoba kukhetho lolu kumele athole ama Electoral Votes angamakhulu amabili lamatshumi ayisikhombisa – 270 phakathi kwangamakhulu edlula amahlanu-538.

Izigaba ezinengi zelizwe sezethule impumela yazo kodwa kusamelelwe izigaba ezinhlanu ezibalisa iPennyslvania, Arizona, Nevada, leNorth Carolina leGeorgia ngoba lonyaka uzulu weMelika uvote ngobunengi ngeposo phambilini kosuku lokhetho ngenxa yomkhuhlane weCoronavirus, okuyikho osokuphuzise ukubalwa kwamavoti.

Embed share

Udaba Esilethulwe NguAnnahstacia Ndlovu

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:05:13 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala

Abantu kwele Melika sebedlela evalweni ngempumela yokhetho lukamongameli eveza ukuba zindala zombili kukhetho lolu njengoba uMongameli Donald Trump lowayengumsekeli kamongameli, uMnu. Joe Biden, belokhu bemelele ukuzwa ozathola amavoti amanengi alokhu okubizwa ngokuthi ngama electoral votes.

Okwamanje uBiden ulama electoral votes angamakhulu amabili lamatshumi amabili lasikhombisa – 227 kuthi uTrump ulangamakhulu amabili letshumi lantathu – 213.

Ozanqoba kukhetho lolu kumele athole ama electoral votes angamakhulu amabili lamatshumi ayisikhombisa – 270.

Sokukhangelelwe okuzaphuma ezabelweni ezigoqela iPennyslvania, Michigan, Nevada, leWisconsin. Kusabalwa amavoti athunyezwa ngeposo lamanye. UTrump uthi kumele kumiswe ukubala kwamavoti la.

Kodwa uBiden uthi kumele kubalwe abavoti wonke. Olandela okwenzakala kukhetho lolu, uMnu. Den Moyo, uthi kukhanya zindala zombili.

Omunye njalo nguMnu. Thabang Nare, ohlala eBoston, othi abantu sebemelele impumela yokhetho lolu ngamehlo abomvu.

Lokhu kusekelwe nguMnu. Mark Tshuma, ohlala eDalls Texas.

Bokusenziwa ukhetho lwedale leSenate, olwe House of Representatives lolunye ezabelweni ezitshiyeneyo. Akucaci kangako ukuthi kozalwa nkomoni.

Embed share

Bamelele Impumela Yokhetho Kwele Melika

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:04:16 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala