Cyclone Idai
Izindlu Ezibhidlizwe Lizulu Lesiphepho uCyclone Idai
Izindlu ezibhidlizwe lizulu lesiphepho uCyclone Idai esabelweni seManicaland ...
Ukudla Kwabantu Abehlelwe Yingozi Yezulu Lesiphepho uCyclone Idai
Ukudla kwabantu abehlelwe yingozi yezulu lesiphepho uCyclone Idai esabelweni seManicaland ...
- Sithandekile Mhlanga
Abahlengi beSouth Africa Bathola Umkhondo Wezidumbu zeCyclone Idai eChimanimani
Iqembu labahlengi elivele kweleSouth Africa ebelincediswa yizinja ukudinga abantu abacatshangelwa ukuthi bagqitshelwa yinqwabanqwaba yokudilika kwezindlu lempahla, eNgangu eChimanimani lithi selithole umkhondo wezidumbu ezilitshumi lasithupha kulindawo.
Lokhu kulandela izulu lesiphepho uCyclone Idai eladala umonakalo omkhulu ezigabeni zeManicaland le Masvingo labulala abantu abafika phose amakhulu amabili njalo abedlula amakhulu amathathu akwazakali ukuthi bangaphi.
UMnu. Justin Colbert, okhokhela leliqula, elisungule umsebenzi ngoLwesine uthi lanxa amadwala lokunye kusenqabela ukuthi besebenze ngesiqubu abasifunayo, balethemba lokuthi bazathola ezinye njalo indawo ezilezidumbu.
Ummeli weChimanimani East edale lephalamende uMnu. Joshua Sacco ubikwa esithi sokufanele uhulumende aletheimitshina yokugebha indawo eseziqanjiwe.
Kusenjalo, sixoxe loNkosazana Dube weChisumbanje eChipinge, usichasisela ngendlela ahlezi ngayo ngemva kokuhlaselwa yilelizulu.
Abehlelwe Yingozi Yezulu Lesiphepho uCyclone Idai Badinga Uncedo
Abehlelwe yingozi yezulu lesiphetho uCyclone Idai esabelweni seManicaland kwele Zimbabwe bathi badinga uncedo ngesiphangiphangi ngoba sebelamba. Sizalethulela lokhu ngo8:00pm namuhla kuhlelo lweLivetalk. Sicela inombolo zabafisa ukungena kuhlelo lolu.
Rene Cremonese: Abadabuka eCanada Abasebenza eTanganda Estates Bayaphila
UMnu. Rene Cremonese, omele ilizwe leCanada kwele Angola eleBotswana leZimbabwe, uthi abadabuka elizweni lakhe abasebenza eManicaland baphephile kungozi edalwe lizulu lesiphepho uCyclone Idai.
ICanada Inike Amazwe Abhekane Lomonakalo Odalwe yiCyclone Idai i$3,5 Million
UMnu. Rene Cremonese omele ilizwe leCanada kwele Angola, eBotswana leZimbabwe uthi ilizwe lakhe selidinge izigidi ezintathu lengxenye zamadola - $3,5 million - yokunceda abantu ababhekane lomonakalo odalwe lizulu lesiphepho uCyclone Idai eZimbabwe kwele Malawi kanye lakwele Mozambique.
Indizamtshina Zithwala Ukudla Lokunye Okutshiyeneyo eManicaland
Indizamtshina zithwala ukudla lokunye okutshiyeneyo esabelweni seManicaland okubhubhe khona abantu abanengi kuze kune izulu lesiphepho uCyclone Idai.
Ele South Africa Liphathisa Abahlaselwe Lizulu nge R75 Million
Amazwe amananengi aqhubeka ephathisa abahlaselwa yingozi yezulu lesiphepho, ucyclone idai kodwa imibuzo yokuthi loluncedo luyafinyelela abantu kumbe luphungulwa ngamalunga eZanu PF, ilokhu ikhona.
NgoLwesine ebusuku umphathintambo obona ngezobudlelwano be South Africa lamanye amazwe, unkosazana Lindiwe Sisulu ufike elizweni ezokupha usowabo we Zimbabwe, uMnu. Sibusiso Moyo imali engama Rand azinkulungwane ezingamatshumi ayisithupha, Rand 60 million kwathi omunye usomabhizimusi wakwele South Africa, uMnu. Patrice Matsophe wapha i Rand 15 million.
Kuthi ummeli we hofisi yecanada ezimbabwe, uMnu. Rene Cremones uncedise ngemali engamadola angamakhulu amathathu lengxenye, i$3,5million, ukuphathisa abayehlelwe yingozi yezulu emazweni amathathu agoqela iZimbabwe, Malawi kanye leMozambique.
Sokusetshensizwa Izinja Zakwele South Africa eManicaland
Sokusetshenziswa izinja zakwele South Africa esabelweni seManicaland lapho okudingwa khona abantu ababulawa lizulu lesiphepho uCyclone Idai.
- Sithandekile Mhlanga
Kubikwa Kubhubhe Abantu Abambalwa Engozini Yemota Yamasotsha eChimanimani.
Kubikwa kutshone abantu abahlanu kwalimala abanye eSkyline eChimanimani esigabeni seManicaland ngoLwesine, ngemva kokuba imota enkulu ebithwele ukudla kokunikeza abantu abahlaselwa lizulu lesiphepho uCyclone Idai, ingene ebantwini abakade bekulindele.
Kubikwa kutshone abantu abahlanu kwalimala abanye eSkyline eChimanimani esigabeni seManicaland ngoLwesine, ngemva kokuba imota enkulu ebithwele ukudla kokunikeza abantu abahlaselwa lizulu lesiphepho uCyclone Idai, ingene ebantwini abakade bekulindele.
Ababone lokhu kusenzakala batshele iStudio 7 ukuthi imota yamasotsha le, yehlulekile ukuma kuseselesikhathi, okubangele lingozi. Kodwa asenelisanga ukukhuluma lohulumende ukuthi agcizelele loludaba.
Lokhu kwenzakala abanye besithi ibandla leZANU PF liholisa amalunga ayo kuphela uncedo. Kodwa umphathintambo kahulumende obona ngezabelo uMnu. July Moyo uyakuphika lokhu esithi imota zebandla leZANU PF bezincedisa ukuthwala ukudla njalo ukusafanelanga kube lamabandla ezombusazwe abela abantu impahla.
EleZimbabwe lilokhu lithola usizo kunhlanganiso ezizimeleyo kanye lamanye amazwe emhlabeni jikelele. EleSouth Africa liphathise ngokunikeza eleZimbabwe izinja ezilobuciko, eseziqalisile ukuncedisa ukudinga abalokhu begqitshelwe yizindlu lokunye okwadilikayo.
Ukuze sizwe okunengi okwenzakala eManicaland kulandela izulu leCyclone Idai, sixoxe loNkosazana Sally Nobuhle Mlambo, isiphathamandla senhlanganiso elwela ilungelo loluntu eye Platform for Youth Development, ohlala eChecheche eChipinge.
- Ntungamili Nkomo
Uhulumende Uthi Amabandla Ezombusazwe Kaseyikuvunyelwa Ukwaba Uncedo eManicaland
Inhlanganiso ephathisa izakhamizi zesigaba se Manicaland ngoncedo kulandela izulu lesiphepho, uCyclone Idai, eye Internatioanl Rescue Committee, iIRC, ithi izibonele ngawayo ukwaba koncedo kungelabandlululo lokuthi umuntu ngowebandla liphi.
Kulobufakazi obuqinileyo bokuthi ibandla leZanu PF selihluthune umsebenzi wokwaba ukudla okunikwa abantu lincitsha amalunga amanye amabandla, ikakhulu awebandla leMDC.
Kodwa isikhulumeli sebandla leZanu PF, uMnu. Simon Khaya Moyo uthe ibandla lakhe belisolwa ukuthi kaliphathisi laselisethula izimota ukuthi zithwale uncedo kodwa lokhu kwabonakala njengokuhluthuna umsebenzi lo.
Umqondisi wenhlanganiso ye IRC, umnu. Paolo cernuschi ulobe ebulenjini bokuxhumana obe Twitter esithi kodwa bayasola imbiko yokuhluthuna uhlelo lokwaba uncedo okwenziwe yibandla leZanu PF, nxa kuliqiniso.
Umphathintambo wezabelo, uMnu. July Moyo ubikwa etshele idale lephalamende ukuthi amabandla awasoze avunyelwe ukwaba ukudla lenye impahla eManicaland ngoba sokusobala ukuthi abanye balenjongo ezingalunganga.
UNtungamili Nkomo weStudio Seven uxoxe lesiphathamandla seZanu PF uMnu Believe Gaule.
"Kuyadanisa ukuthi abantu bengaswela into yokukhuluma besebekhuluma amanga bengcolisa ibandla le Zanu PF. Hatshi, uhlelo lwe Manicaland olokuphathisa abantu abehlelwe yingzi ayisiyonto esnigayi politicizer," kutsho uGaule.
Uhulumende Ukhuthazwa Ukulimukisa Abantu Ngengozi Engabe Isiza
Ingcwethi ezibona ngokuguquka komkhathi zikhuthaza uhulumende ukuba afunde ukulungiselela elakusasa ngokulungisisa amaphutha abekhona ekuphathweni kwengozi ezedlula ezifana lengozi yezulu lesiphepho ele Cyclone Idai esanda kwehlela izigaba zeManicaland, Masvingo leMashonaland East
Lokhu bathi kungenziwa ngokuthumela imibiko ezwisiswa ngabantu bonke ukuze kwehliswe inani labalahlekelwa yimpilo hatshi lokho okuvelele ilizwe kuze kune izulu lesiphepho uCyclone Idai elidale umonakalo omkhulu.
Lezi ngcwethi zithi kumele kube yimibiko efinyelelwa nguzulu kalula kusetshenziswa indlela ezehlukeneyo zokukhulumisana zangalez'insuku ezinjengenkundla zebulenjini lobomakhalekhukhwini.
Eyinye yalezi ngcwethi uDokotela Leonard Unganai uthi okwamanje bayazehlulekela abakhangelane lezomthetho ngokwethulela uzulu imibiko.
“Esesikunanzelele lapho abezomkhathi besethula imibiko yabo kabalayo indlela eyiyo abayisebenzisayo etsho ukuba nxa sekunje sokumele kuthunyelwe umbiko wokulimukisa uzulu. Ukubona kwami ngesinye sezikhexe ezikhona kwezokusabalalisa imibiko ephathelene lezomumo womkhathi."
UNkosazana Edith Katiji, owaziwa ngelokuthi ‘Edith Weutonga’ ongumculi weAfrojazz, uthi kunengi okwakungenziwa ngabakunhlangothi ezehlukeneyo, okubalisa olwabaculi, ukulimukisa uzulu lohulumende ngezulu lesiphepho uCyclone Idai.
“Ngibona ingani njengabahlabeleli ngabe sancedisa ukuthi abantu bazi ukuthi kwenzakalani. Abahlabeleli abanengi sihlala siku social media kodwa besingakhulumi ngakho and mina njengo Edith Weutonga inhliziyo yami ibuhlungu ukuthi ngabe sancedisa abantu abanengi ngokukhuluma ngakho ... Ngokuhlabela ngakho ukuthi silimukise abantu ukuthi ikhona ingozi ebuyayo, sukanini lapho elihleli khona, sukanini lapho, lalelanini lihambe liyehlala endaweni eziphezulu kodwa asenzanga kanjalo."
U-Edith uthi kumqoka ukuba sizinuke amakhwapha njengelizwe sibone ukuba singenzani ukuthuthukisa indlela esiphatha ngayo izehlakalo eziyingozi.
Kusenjalo, umphathintambo wezabelo njalo ongumgcinisihlao wequla labaphathintambo abakukhomithi ebona ngezokulondolozwa kwemvelo lokwenqabela ingozi, uMnu. July Moyo, uthi kunengi asebekufundile ngemva kwengozi edalwe yiCyclone Idai.
- Sithandekile Mhlanga
Amalunga Edale Lephalamende Ahlolisisa Umonakalo Odalwe Lizulu leCyclone Idai
Amalunga ekhomithi yedale lephalamende eyeStanding Rules and Orders Committe athi umumo umubi kakhulu eMasvingo leManicaland njalo abantu badinga izihlobo zabo emanzini lalapho okudilike khona.
Amalunga ekhomithi yedale lephalamende eyeStanding Rules and Orders Committee, abhoda-bhode ezigabeni zeManicaland leMasvingo namuhla, ehlolisisa umonakalo obangelwe lizulu lesiphepho uCyclone Idai athi umumo umubi kakhulu kulezindawo njalo abantu belokhu begebha bedinga izihlobo zabo emanzini lalapho okudilike khona.
UNkosikazi Lillian Timveos obekuleliqula uthi bazakwethulela uhulumende kanye ledale lephalamende umbiko ngabakufumeneyo, ukwenzala ukuthi kulungisiswe loludaba.
Amasotsha Anceda Abantu eManicaland
Amasotsha anceda abantu eManicaland lapho okune izulu lesikhukhula iTropical Cyclone Idai.
Libhidlize Okumangalisayo Izulu Lesiphepho eManicaland
Libhidlize okumangalisayo izulu lesiphepho uCyclone Idai eManicaland