Abanye abasekeli beZanu PF basebenzisa amazwi angalunganga bethuka lokweyisa abanye nxa bephendula abalembono ehlukene leyabo enkundleni zokuxhumana.
Ingcwethi zithi lobanje kulamabandla amanengi azancintisa kukhetho olwenziwa lonyaka amabandla aphikisayo alakho ukunqoba iZANU PF nxa ukhetho lungenziwa indubo elizweni zingaqhubeka.
Abakhulume lomsakazo weVOA Studio 7 bathe uMugabe watshiya isikhundla sikamongameli eseyangiswe okumangalisayo ngunkosikazi wakhe owayethuka abanye abakubandla leli okungelankawulo.
Abahlonitshwa ababalisa uMnu. Den Moyo weMDC-T, uNkosikazi Arikana Chihombori Quoa wenhlanganiso yeAfrican Union, uMnu. Frenk Guni weZanu PF lo Nkosazana Rutendo Mudzamiri weWomen to Watch Network baxoxa ngokumele kwenziwe kwele Zimbabwe. Bethule lokhu kungxoxo mpikiswano eqoqwe yiStudio 7.
UMnu. Den Moyo webandla le MDC-T uphendula imibuzo kungxoxo mpikiswano ehlolisisa okwenzakala eZimbabwe ebiqoqwe ngumsakazo weVOA Studio 7 ngoLwesine ngeviki ephelileyo. UMoyo utshele umphakathi ukuthi kabazwakali emphakathini ngenxa yokuthi ibandla elibusayo livimbe okwethulwa ngebezindaba.
UNkosazana Rutendo Mudzamiri, umqondisi wenhlanganiso yeWomen to Watch Network, utshele abantu abakungxoxo mpikiswano ebicubungula okwenzakala eZimbabwe ngoLwesine eWashington DC, ukuthi abatsha bafuna kubelokhetho olubalulekileyo kwele Zimbabwe.
UMnu. Den Moyo, umgcinisihlalo webandla leMDC-T eMelika, uthi akwenzakali ukuthi uMongameli Emmerson Mnangagwa uzaguqula umnotho welizwe leZimbabwe njengoba ubevele esebenza loMnu. Robert Mugabe asanda kumthathela izikhundla. Ubekhuluma kungxoxo mpikiswano eqoqwe ngumsakazo weStudio 7 eMelika.
Omunye wabantu abaphatheke kugxoxo mpikiswano eqoqwe ngumsakazo weVOA Studio 7 eWashington DC ngoLwesine ngeviki ephelileyo uchothoze okumangalisayo inhlanganiso yeAfrican Union. Ubekhulumisana loDr. Arikana Chohombori Quoao, omele inhlanganiso le kwele Melika.
UMnu. Gabriel Shumba, okunhlanganiso yeZimbabwe Exiles Forum, uthi kumele uhulumende kaMongameli Emmerson Mnangagwa athembise ababaleka elizweni ukuthi kabasoze bakhahlanyezwe bangabuyela kwele Zimbabwe. Uthi kumele njalo kususwe abanye abantu ababona ngezomvikela. (Video: Benedict Nhlapho)
UNkosikazi Sithembiso Nyoni, umphathintambo wabesifazana labatsha, uthi ufisa ukuphathisana labantu bonke eZimbabwe ekuthuthukiseni umnotho kazulu. (Video: Mavis Gama)
UMnu. Austin Moyo, omele ibandla leMDC-T kwele South Africa, uthi uMongameli Emmerson Mnangagwa kaguqulanga lutho ngokukhetha amalunga edale leCabinet aphose afane xathu lalawo ayekhethwa nguMnu. Robert Mugabe. (Video: Benedict Nhlapho)
UMnu. Ngqabutho Mabhena, okubandla leZimbabwe Communist Party, uthi idale leCabinet kaMongameli Emmerson Mnangagwa iveza ukuthi ulobudlelwano lelizwe leChina. (Video: Benedict Nhlapho)
Ukwengezelela
