Drought

UZulu emaphandleni uthi umangele ngesinqumo esithethwe lidale leConstitutional Court kodwa uthi sokuyisikhathi sokuthi uzulu abambane ayakhe isizwe

Izakhamizi esixoxe lazo zithi bezingakhangelelanga isinqumo esethulwe emthethwandaba kodwa kungasenani sokuyisikhathi sokuthi uzulu weZimbabwe abambane ukuze ilizwe lithuthuke.

UMnu. Gabriel Moyo oweMawane uthi kuvele kwazikhanyela ngoLwesithathu lapho amanzi ebegelezela khona njalo isinqumo esethulwe izolo asimangalisanga.

Amazwi akhe agcizelelwe nguMnu. Themba Mangena oweNtepe uthi akuselangenye indlela kodwa sekusalele ukuthu uhulumende kaMongameli Emmerson Mnangagwa athuthukise ezomnotho.

UNkosazana Sibonile Gumbi oweFumukwe uthi uyakwamkela ukukhethwa kukaMnangagwa ukuba nguMongameli welizwe njalo ulethemba lekusasa elitshukela.

UMnu. Ngqabutho Ndlovu oweManama uthi sekhangelele ukuthi kubelenguquko empilweni yakhe njengoba sekucacile ukuthi ngubani uMongameli welizwe.

Esinye njalo isakhamuzi uMnu Patrotic Ndlovu uthi uMongameli Mnagagwa kumele angabandlululi ngezombusazwe lapho sebumba uhulumende wakhe.

UMongameli Mnangagwa uzagcotshwa ngeSonto esigodlweni eHarare njalo uzabusa okweminyaka emihlanu elandelayo.

Embed share

Udaba Silethulelwa nguAlbert Ncube

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:13 0:00

Lapho esitholakala khona

• 48 kbps | MP3
• 16 kbps | MP3
• 32 kbps | MP3

Ukudlala

Ngesikhathi ilizwe limelele impumela yesingqumo somthethwandaba we constitutional court umnotho welizwe uqhubeka ulokhu uwohloka.

Amankampani kunye labamela amazwe angentshonalanga bathembisa ukuba ukhetho lungedlula, nxa lwenziwe ngemfanelo kungela kuqilibezela lokuncindizela ilungelo likazulu, bayabe bezaphathisa ilizwe leZimbabwe.

Kodwa ngenxa yokusiwa emthethwandaba okwenziwa umongameli Mnangagwa lokhu sokutshiye ilizwe lisenwaya impumulo lilinde ukuzwa ukuthi kozalwa nkomoni emthethwandaba.

Ingcwethi ecubungula ezomnotho, uMnu. Masimba Kuchera uthi akukhanyi ubungcono.

Isakhamuzi se Gwanda, uMnu. Thandeko Zinti Mkandla utshele iStudio Seven ukuthi umnotho ulokhu uzifananela langensuku ezedluleyo.

Usomabhzimusi wako Bulawayo, uMnu. Matson Hlalo uthi inengi elivela phetsheya lokhu lithola kunzima ukusungula amabhzimusi elizweni.

Amazwe amanengi alindele umthethwandaba ukuthi uphume lesi sombululo okuzakwenza ukuthi asungule amabhizimusi.