Kwenziwe umhlangano omkhulu ngoLwesihlanu obizwa ngokuthi yiYouth League Interface Rally wokukhankasela uMongameli Robert Mugabe ozancintisa kukhetho lukamongameli ngomnyaka ozayo. (Imifanekiso: Taurai Shava)
Ibandla eliphikisayo elikhokhelwa ngowake waba ngumsekeli kamongameli, uNkosikazi Joice Mujuru, liphawulwe okusemthethweni emhlanganweni walo wakuqala wenkokheli owe National Elective Convention owenzelwe enkundleni eCity Sports Centre, eHarare ngoLwesine.
Amabandla aphikisa elibusayo agoqela eleMDC-T, MDC (Welshman Ncube), People's Democratic Party, Zanu Ndonga, Zimbabwe People First, Multi-Racial Christian Democrats leTransform Zimbabwe ethulele uzulu umanyano weMDC Alliance ngoMgqibelo. Bukela Lokhu Utshengise Abanye ...
Kwenziwa umbukiso weMine Entra edolobheni lakoBulawayo eZimbabwe International Trade Fair ongenwe ngabemba okutshiyeneyo, abathengisa imitshina yokwemba, iziphathamandla zikahulumende labanye abathakazelela okwenjiwayo abavela kwamanye amazwe. (Imifanekiso: Nompumelelo Moyo loTaurai Shava)
Ngempelaviki kwenziwe umbuthano omkhulu emzini kamuyi, uJoshua Nkomo, lapho okunanzwe khona imsebenzi kaNkomo. (Imfanekiso: Nompumelelo Moyo)
Inkokheli yamabandla ambalwa ithe gwaqa emhlanganweni weWomen's Electoral Convergence eHarare ngoMgqibelo. Nansi eminye imifanekiso etshingisa okwenzakale emhlanganweni lo obuhlolisisa ukhetho oluzakwenziwa ngomnyaka ozanyo. (Imifanekiso: Mavis Gama loPatricia Mudagidwa.
Uqalise ngoLwesibili umbukiso weZimbabwe International Trade Fair kulamazwe ambalwa lamankampani amanengi avela kwamanye amazwe lakwele Zimbabwe.
Izizalwane zeZimbabwe, ezigodela uMongameli Robert Mugabe, ngoLwesibili zinanze uzibuse. Ele Zimbabwe selileminyaka engamatshumi amathathu lasikhombisa lathola uzibuse. Nanku okunye okwenzakale eHarare lakoBulawayo. (Imifanekiso: Mavis Gama, Patricia Mudadigwa, Associated Press)
Intsha yakweleSouth Africa lezizalwane zeZimbabwe ngoLwesibili bebetshengisela ezitaladeni zeJohannesburg bekhalaza ngokwehluleka kukahulumende weZimbabwe ukuhlawula labo abahlukunyezwa yiGukurahundi lokuqhubeka kukahulumende esala ukuvezwa okwenzakala ngaleso sikhathi.
“IBhayibhili lithi kuhle kakhulu ukuthi abantu bajabule ndawonye benze abakufunayo kanyekanye. Kumele sihlalisane ngokuthula. Kumele sikhulume esikufunayo singesabi lutho njalo sidlane ingqondo siphikisane kube kuhle sikhangele konke okungasikhuba. Nxa eleMelika libambene, lingeke labiselwa muva ngumuntu."
Ukwengezelela
