WASHINGTON DC —
Umlamulankunzi kudaba lweZimbabwe njalo enguMongameli weleSouth Africa uMnu Jacob Zuma uthi kulakho ukuqhamuka udlakela olufana lolubekhona ngo2008 nxa kungayiwa kukhetho kungakalungisiswa konke okuhluphayo.
Ekhuluma kumabonakude we-eTV, uZuma uthe lanxa kulokuvumelana phakathi kweMDC leZanu PF ukuthi kumele kuqhutshwe ukhetho ngomnyaka ozayo, kuqakathekile ukuthi ukhetho lwenziwe nxa sokulomhlahlandlela ocacileyo, ogoqela isisekelo sombuso esitsha.
Udlakela luka2008 lubulalise inkulungwane zabantu, inengi kungabasekeli beMDC labambalwa abeZanu PF.
UMongameli Robert Mugabe uthi ukhetho luzakwenziwa ngoMbimbitho ngomnyaka ozayo, kodwa abamacele womabili eMDC bathi akukabi lokuvumelana phezu kwaloludaba.
Umsekeli wesikhulumeli seMDC ekhokhelwa nguMnu Morgan Tsvangirai, uMnu Joel Gabuza uthi ibandla lakhe liyawasekela amazwi kaZuma.
Wengeze wathi kumele kufezwe isivumelano seGlobal Political Agreement andubana kuyiwe kukhetho.
Ukuhlaziya amazwi kaZuma sixhume ingcwethi ecubungula ezombusazwe uMnu Zenzo Nkomo yena othi kuqakathekile ukuthi uhulumende womanyano agcwalisise iGPA ukuze kwenqatshelwe udlakela.
Ekhuluma kumabonakude we-eTV, uZuma uthe lanxa kulokuvumelana phakathi kweMDC leZanu PF ukuthi kumele kuqhutshwe ukhetho ngomnyaka ozayo, kuqakathekile ukuthi ukhetho lwenziwe nxa sokulomhlahlandlela ocacileyo, ogoqela isisekelo sombuso esitsha.
Udlakela luka2008 lubulalise inkulungwane zabantu, inengi kungabasekeli beMDC labambalwa abeZanu PF.
UMongameli Robert Mugabe uthi ukhetho luzakwenziwa ngoMbimbitho ngomnyaka ozayo, kodwa abamacele womabili eMDC bathi akukabi lokuvumelana phezu kwaloludaba.
Umsekeli wesikhulumeli seMDC ekhokhelwa nguMnu Morgan Tsvangirai, uMnu Joel Gabuza uthi ibandla lakhe liyawasekela amazwi kaZuma.
Wengeze wathi kumele kufezwe isivumelano seGlobal Political Agreement andubana kuyiwe kukhetho.
Ukuhlaziya amazwi kaZuma sixhume ingcwethi ecubungula ezombusazwe uMnu Zenzo Nkomo yena othi kuqakathekile ukuthi uhulumende womanyano agcwalisise iGPA ukuze kwenqatshelwe udlakela.