Umthethwandaba kamantshi wethulele ababeyiziphathamandla zenkampani yeAir Zimbabwe ababili isigwebo sokupika okweminyaka elitshumi ngamunye kulandela ukutholakala kwabo belecala lokweba imali engange zigidi ezilitshumi zamadollar.
Ababili laba nguMnu Peter Chikumba, owayengumqondisi wenkampani le kanye lowayengumabhalane wayo uNkosikazi Grace Pfumbidzai.
Esethula isigwebo sakhe, umantshi uthe phakathi kweminyaka elitshumi le ababili laba bazapika okweminyaka eyisikhombisa kuphela nxa bengaziphatha kuhle entolongweni
Inkampani yeAir Zimbabwe ngenye yamankampani kahulumende alokungethembeki okukhulu njalo asadalalayo ngenxa yokuhuquluzwa yiziphathamandla zawo.
Ingcwethi kwezenotho uMnu Masimba Kuchera uthi kabona isigwebo lesi sisenqabela ukungethembeki lokhu.
