WASHINGTON DC —
Bekulenjabulo enkulu kugiywa lapho izizalwane zeZimbabwe ezihlala kwele Melika zimanyene lezakwamanye amazwe awomhlubulo wezwekazi lezansi yeAfrica phansi kwenhlanganiso ye Southern African Community in the US ngempelasonto yekupheleni kukaNcwabakazi.
Lumbuthano uqale ngoLweishlanu lapho okube lokubukiswa kwempahla ezithungwe yizizalwane zamazwe la, iFashion Show, eyenzelwe edolobheni le Silver Spring.
Kwalandela ngoMgqibelo kwabalomunye njalo umbuthano wamawoso kuxoxiswana kwaba lemidlalo yenguqu phakathi kwamaqembu avele emazweni awomhlubulo wezansi ye Africa.
Omunye wabasungula lumanyano, uNkosazana Siyanda Masiza uchasisa kabanzi ngalumbuthano owenziwa ngalesi sikhathi sokutshisa eMelika.
