Uphenyo olusanda kwenziwa yinhlanganiso yeAfrobarometer ibandla leZanu PF lilakho ukunqoba kungenziwa ukhetho kusasa.
Uphenyo lolu olusanda kwenziwa eZimbabwe luveza ukuba abantu abafika okuyisilinganiso sokungamatshumi amathathu ekhulwini – 33% bangavotela ibandla leZanu PF nxa kungeziwa ukhetho kusasa. Inhlanganiso le ithi abafika okuyisilinganiso sokungamatshumi amabili lasithupha ekhulwini – 26% balakho ukuvotela ibandla leMDC Alliance.
Bakhona njalo abangafisanga ukuchaza ukuba bengavotela bani. Olwela amalungelo oluntu, uMnu. Effie Ncube, uthi abantu sekumele bayehlolwa ingqondo uma limpumela iqotho.
UNkosikazi Cora Ndebele uthi impumela yophenyo lolu ilobuqiniso obubuhlungu njalo iyinkombandlela yokuqondisa lapho abalahleka khona.
Olwela amalungelo oluntu uMnu Mbuso Fuzwayo uthi kulusizi okwethulwe yiAfrobarometer.
UNkosikazi Abigail Mupambi, okunhlanganiso ye#ThisConstitution, uthi kuliqiniso okwethulwe yinhlanganiso yeAfrobarometer.
Uphenyo lolu luveza njalo ukuba abantu bathakazelela indlela uhulumende wakwele Zimbabwe ovimba ngayo ukumemetheka kwegcinwane leCOVID-19.
