Kuhlelo lwamasiko lokuphila kwabantu, liviki sixoxa ngomncintiswano wokuchechisa izindlu owokugudula owenziwa yinhlanganiso yeAmagugu Heritage International Center.
Umcintiswano lo obizwa ngokuthi ‘Comba Indlu Ngobuciko’ osungulwe eMatobo kusukwana ezedluleyo, esabelweni seMatabeleland South, ugqitshwa ngeviki ezayo.
Sokulemizi embalwa esikhangelwe ngabahleli bohlelo lolu kuleyondawo. Kukhangelelwe njalo ukuthi ngelanga elikhulu lapho okuzakwethulwa abanqobileyo, kuzakwenziwa umcintiswano wokuzicomba ubuso.
Izindlu zemaphandleni zigudulwa kusanda kuvunwa endaweni ezinengi zelizwe.
Lokhu kulandelwa ngokubalaza okutshiyeneyo okunjengokudweba imfanekiso yezinyamazana, izithelo zeganga, amabele lokunye okutshiyeneyo. Kambe kumele isiko leli lilondolozwe na?
Ukuze sihlaziye udaba lolu, uGibbs Dube weStudio 7 uxoxe loNkosazana Stars Thebe Mathe loMfundisi Ray Motsi.
