WASHINGTON —
Amabandla ezombusazwe ancintisa kukhetho oluzayo akhangelelwe ukuthi azasebenzisa izigidi ezingamakhulu amabili lamatshumi amathathu amadollar eMelika – $230 million – loba nje ilizwe lilabantu abanengi okwamagama abahluphekayo.
Amabandla wonke kukhanya athwele nzima ngokuphanda imali yokukhankasa.
Umthetho okhangelane lezemali kumabandla iPolitical Parties Finance Act ithi ibandla elithola amavoti kukhetho ayisilinganiso sokuhlanu ekhulwini – 5 percent – sabantu abavotileyo kumele lithole imali evela kuhulumende.
Okwamanje imali le itholwa libandla le MDC elikhokhelwa nguMnu. Welshman Ncube le Zanu PF kanye le MDC-T wona athola amavoti athe xaxa kukhetho olwenziwa ngomnyaka ka 2008.
Amanye amabandla adonsa nzima njengoba ephila ngokucela kuzulu, kumankampani njalo lokuziphandela.
Umnu. Paul Themba Nyathi uthi ibandla lakhe liyehluleka ukudinga izigidi ezifika amatshumi amabili amadolllar – $20 million okumele isetshenziswe kukhetho.
Kalisilo lodwa ibandla leli eliphanda nzima imali njengoba ele zapu lalo lisehluleka ukudinga izigidi ezinhlanu zamadollar emelika – $5 million yokukhankasa.
Umnu. Dumiso Dabengwa okhokhela lelibandla uthi izikhwama ze Zapu zibhobokile.
Udabengwa uthi ibandla lakhe licine lisehluleka lokulungiselela umhlangano omkhulu eWhite Stadium koBulawayo ngenxa yokuswela imali.
Amabandla wonke kukhanya athwele nzima ngokuphanda imali yokukhankasa.
Umthetho okhangelane lezemali kumabandla iPolitical Parties Finance Act ithi ibandla elithola amavoti kukhetho ayisilinganiso sokuhlanu ekhulwini – 5 percent – sabantu abavotileyo kumele lithole imali evela kuhulumende.
Okwamanje imali le itholwa libandla le MDC elikhokhelwa nguMnu. Welshman Ncube le Zanu PF kanye le MDC-T wona athola amavoti athe xaxa kukhetho olwenziwa ngomnyaka ka 2008.
Amanye amabandla adonsa nzima njengoba ephila ngokucela kuzulu, kumankampani njalo lokuziphandela.
Umnu. Paul Themba Nyathi uthi ibandla lakhe liyehluleka ukudinga izigidi ezifika amatshumi amabili amadolllar – $20 million okumele isetshenziswe kukhetho.
Kalisilo lodwa ibandla leli eliphanda nzima imali njengoba ele zapu lalo lisehluleka ukudinga izigidi ezinhlanu zamadollar emelika – $5 million yokukhankasa.
Umnu. Dumiso Dabengwa okhokhela lelibandla uthi izikhwama ze Zapu zibhobokile.
Udabengwa uthi ibandla lakhe licine lisehluleka lokulungiselela umhlangano omkhulu eWhite Stadium koBulawayo ngenxa yokuswela imali.
