Okade engumongemeli weNigeria uMnu. Goodluck Jonathan okubandla le People’s Democratic Party usetshayele ucingo uMnu. Muhammadu Buhari emtshayela ihlombe ngokunqoba kwakhe kukhetho lukamongameli kulelo lizwe, oluqutshwe ngoMgqibelo owedluleyo.
Uthe emtshayela ucingo, uBuhari owebandla leAll Progressives Congress bekuvele sokusobala ukuthi usenqobile laloba amavoti abengaqedi ukubalwa ngoba ubevele ekhokhela kulolukhetho ngamavoti ayizigidi ezine – 4 million.
Kukhanya uBuhari eselemavoti ayedlula isilinganiso sokungamatshumi amabili lanhlanu – 25 percent okumele umuntu awazuze ukwenzela ukuthi abengumongameli weNigeria.
Kade sokubalwe amavoti ezabelweni ezingamatshumi amathathu lasithupha-36.
Besekusele isabelo se Sokoto lapho uBuhari okade ekhangelele ukuthi anqobe khona njengoba elosekelo olukhulu kuleyo ndawo.