Umongameli wakwele China, uMnu. Xi Jinping useqhibe uhambo lwakhe eZimbabwe lapho amazwe womabili alobelane khona izivumelwane ezimbalwa.
Amabandla aphikisayo agoqela eleMDC-T leTransform Zimbabwe alobelana isivumelwano esokuthi akuguqulwe indlela yokuqhuba ukhetho lwelizwe.
Kuqhubekela phambili ukuswelakala kwemali kwamanye amabhanga okumele anike uzulu imali ethunyezwa yizizalwane zeZimbabwe ezihlala kwamanye amazwe ezisebenzisa iWestern Union le Moneygram.
Sizalethulela okwenzakala emhlanganweni omkhulu oweICASA ohluza umkhuhlane wengculaza owenzelwa eHarare.
Kuhlelo lwezizalwane zeZimbabwe ezihlala kwamanye amazwe lamuhla sixoxa loNkosazana Ester Nyambi odinga ukuba yisiphepheli eBhilithane.
KuLivetalk lamuhla sihlolisisa uhambo lukaMongameli weChina uMnu. Xi Jinping okade eseZimbabwe. Lingakhuthwa yilezindaba lezinye kuStudio 7 ngo 8 ntambama kumagagasi athi 909 am, 4930, 12080, lo 1546 shortwave. Sitholakala njalo kuFacebook ku VOA Ndebele.
